Lourens Muller

in Wikipedia, die vrye ensiklopedie
Jump to navigation Jump to search
Lourens Muller
Lourens Muller

Lourens Muller in 1970


Minister van Vervoer
Ampstermyn
1974 – 1979
President P. W. Botha
Voorafgegaan deur Ben Schoeman
Opgevolg deur Chris Heunis

Ampstermyn
1968 – 1974
President John Vorster
Voorafgegaan deur PK le Roux
Opgevolg deur Marais Viljoen

Persoonlike besonderhede
Geboorte 27 September 1917
Sterfte 30 April 2005
Somerset-Wes, Suid-Afrika
Politieke party Nasionale Party
Eggenoot/eggenote Hanlie van Niekerk (operasanger)
Louise Muller

Lourens Muller (1917–2005) was 'n Suid-Afrikaanse politikus. Muller was 'n lid van die Nasionale Party, LP vir Ceres (1961–1979) en het in die kabinette van John Vorster en P. W. Botha gedien. Hy was die adjunk-minister van justisie (1966), polisie (1966-1968), finansies (1966-1968) en ekonomiese sake (1966-1968). Daarna was hy die minister van binnelandse sake (1968-1970), polisie (1968-1974), ekonomiese sake (1970-1974) en vervoer (1974-1979).

Biografie[wysig | wysig bron]

Stefanus Lourens Muller is op 27 September 1917 in die distrik Beaufort-Wes gebore. Hy het die skool sonder matriek verlaat en by die Suid-Afrikaanse Spoorweë in Soutrivier aangesluit. Hy het hom later as prokureur bekwaam en het in Robertson gepraktiseer.

Muller was 'n lid van die parlement vir die Nasionale Party in die Ceres-kiesafdeling, en het verskeie hoë regeringsposte beklee. Hy was op 'n tyd die gunsteling om mnr. John Vorster as staatspresident op te volg. Die destydse eerste minister, mnr. P.W. Botha, wou egter 'n oormaat van Kapenaars in senior poste voorkom, en het Marais Viljoen van die Transvaal as staatspresident gesteun.[1]

Kort hierna het hy weens ongelukkigheid uitgetree en is sy NP-lidmaatskap in 1980 beëindig, klaarblyklik omdat hy nie die jaarlikse ledegeld van R1 betaal het nie. Hy het 'n vurige ondersteuner van die pas gestigte Konserwatiewe Party geword en die KP finansieel ondersteun.[2]

Muller is op 30 April 2005 op 87-jarge ouderdom in 'n kliniek in Somerset-Wes oorlede. Hy is in Robertson (Wes-Kaap) begrawe.

Verwysings[wysig | wysig bron]