Michael IV die Paflagoniër

in Wikipedia, die vrye ensiklopedie
Michael IV die Paflagoniër
Keiser van die Bisantynse Ryk
Goue muntstuk met Michael IV se afbeelding agterop (regs).
Goue muntstuk met Michael IV se afbeelding agterop (regs).
Bewind 11 April 103410 Desember 1041
Dinastie Masedoniese
Gebore Omstreeks 1010
Oorlede 10 Desember 1041 (op 30/31)
Voorganger Romanos III Argyros
Opvolger Michael V
Gade Zoë Porphyrogenita

Michael IV the Paflagoniër (Grieks: Μιχαὴλ (Δ´) ὁ Παφλαγών; 1010 – 10 Desember 1041) was van 11 April 1034 tot met sy dood op 10 Desember 1041 keiser van die Bisantynse Ryk. Hy was die seun van ’n kleinboer en het die oog van keiserin Zoë Porphyrogenita gevang toe hy aan die hof begin werk.[1][2][3] Hulle het ’n verhouding begin en saamgespan om haar man, keiser Romanos III Argyros, te vermoor. Hy is in 1034 sterwend in sy bad aangetref.[4] Sommige glo hy is in opdrag van Michael verdrink.[5] Michael en Zoë is op dieselfde dag getroud waarop Romanos dood is en Michael is die volgende dag as keiser gekroon.[6][7]

Bewind[wysig | wysig bron]

Michael, wat aantreklik en energiek was, het aan epilepsie gely en sy broer Johannes, wat reeds onder Konstantyn VIII en Romanos III ’n minister was,[8][9] het in ’n groot mate namens hom regeer. Johannes se monopolie van die regering en instelling van ongewilde belastings het tot verskeie sameswerings teen hom en Michael gelei.[3] Swak oeste en hongersnood weens gure weer en ’n sprinkaanplaag in 1035 het tot verdere ontevredenheid bygedra.

Michael het Zoë nie vertrou nie en het seker gemaak hy kom nie dieselfde as sy voorganger oor nie. Sy bewind het gemengde resultate gehad. Sy grootste oomblik was in 1041 toe hy die weermag teen Bulgaarse rebelle aangevoer het. Hy het triomfantelik teruggekeer, maar is ’n paar maande later dood. Hy is opgevolg deur sy susterskind, Michael V.[10][11][12]

Verwysings[wysig | wysig bron]

  1. Norwich, pg. 283
  2. Finlay, pg. 477
  3. 3,0 3,1 Kazhdan, pg. 1365
  4. Kazhdan, pg. 2228
  5. Kazhdan, pg. 278
  6. Treadgold, pg. 586
  7. Finlay, pg. 478
  8. Finlay, pg. 480
  9. Norwich, pg. 287
  10. Norwich, pg. 289, 292
  11. Kazhdan, pg. 1365, 2228
  12. Treadgold, pg. 587-89

Bronne[wysig | wysig bron]

  • George, Finlay (1853). History of the Byzantine Empire from 716–1057. Edinburg: William Blackwood & Sons. OCLC 906577940. Besoek op 3 Junie 2018.
  • Kazhdan, Alexander, red. (1991). Oxford Dictionary of Byzantium. Oxford University Press. ISBN 978-0-19-504652-6.
  • Norwich, John Julius (1993). Byzantium: The Apogee. Vol. II. Londen: Penguin. ISBN 978-0-14-011448-5.
  • Treadgold, Warren (1997). A History of the Byzantine State and Society. Stanford, CA: Stanford University Press. ISBN 978-0-8047-2630-6.

Eksterne skakels[wysig | wysig bron]