Michael VI Bringas

in Wikipedia, die vrye ensiklopedie
Jump to navigation Jump to search
Michael VI Bringas
’n Goue muntstuk met Michael VI op.
’n Goue muntstuk met Michael VI op.
Bewind 31 Augustus 105631 Augustus 1057
Gebore ?
Oorlede 1059
Voorganger Theodora
Opvolger Isak I Komnenos

Michael VI Bringas (Grieks: Μιχαήλ ΣΤ΄ Βρίγγας, Mikhaēl VI Bringas), ook genoem Stratiotikos ("Die Militêr") of Gerontas ("Die Oue"), was van 1056 tot 1057 die keiser van Bisantium.

Loopbaan[wysig | wysig bron]

Michael was skynbaar ’n familielid van die magtige hofamptenaar Joseph Bringas, wat invloedryk was tydens die bewind van Romanos II.[1] Hy was ’n bejaarde lid van die burokrasie wat as minister van militêre finansies gedien het (vandaar die bynaam Stratiotikos).[2] Keiserin Theodora het Michael Bringas kort voor haar dood op 31 Augustus 1056 as haar opvolger gekies.[3]

Hoewel Michael ’n sameswering deur Theodosios, ’n nefie van die vorige keiser Konstantyn IX Monomachos,[4] oorleef het, was hy nie gewild onder die militêre aristokrasie nie. Hulle het hulle by generaal Isak Komnenos geskaar, en dié is op 8 Junie 1057 tot keiser verklaar.[2]

Toe Isak teen Michael opruk, het laasgenoemde aangebied om Isak aan te neem en hom die titel "kaisar" te gee,[5] maar die aanbod is in die openbaar van die hand gewys. ’n Opstand het in Konstantinopel uitgebreek ten gunste van Isak, en Michael is oorreed om op 31 Augustus 1057 te abdikeer.[5] Hy het daarna ’n monnik geword en is in 1059 oorlede.

Verwysings[wysig | wysig bron]

  1. Norwich, pg. 327
  2. 2,0 2,1 Kazhdan, p. 1366
  3. Norwich, p. 326
  4. Norwich, p. 327
  5. 5,0 5,1 Norwich, p. 332

Bronne[wysig | wysig bron]