Newcastle, KwaZulu-Natal

in Wikipedia, die vrye ensiklopedie
(Aangestuur vanaf Newcastle, KwaZoeloe-Natal)
Newcastle
Newcastle is in KwaZulu-Natal
Newcastle
Newcastle
Koördinate: 27°45′0″S 29°56′0″O / 27.75000°S 29.93333°O / -27.75000; 29.93333Koördinate: 27°45′0″S 29°56′0″O / 27.75000°S 29.93333°O / -27.75000; 29.93333
LandVlag van Suid-Afrika Suid-Afrika
ProvinsieKwaZulu-Natal
DistriksmunisipaliteitAmajuba
Plaaslike MunisipaliteitNewcastle
Stigting1864
Regering
 • BurgemeesterDr Ntuthuko Mahlaba (ANC)
 • Munisipale bestuurderBongani Ntanzi
Hoogte
1 194 m (3 917 ft)
Bevolking
 • Totaal419 271
TydsoneUTC+2 (SAST)
Poskode
2940
Skakelkodes034
Webwerfwww.newcastle.gov.za
Hierdie artikel handel oor die KwaZulu-Natalse dorp. Sien gerus Newcastle vir 'n lys van ander dorpe en stede met dieselfde naam.

Newcastle is 'n nedersetting in die Natalse middellande, 'n streek in KwaZulu-Natal, Suid-Afrika. Dit is geleë in die noordweste van die provinsie, aan die oewers van die Ncandurivier, en word deur die Drakensberge omring in die noorde, weste en suide.

Munisipaliteit[wysig | wysig bron]

Newcastle is die setel van die Newcastle Plaaslike Munisipaliteit en die Amajuba-distriksmunisipaliteit. Amajuba is die vyfde-digsbevolkte munisipaliteit in KwaZulu-Natal. Dannhauser (1 516 km²), Newcastle (1 956 km²) en Utrecht (3 539 km²) word by die munisipaliteit ingesluit. Die gemiddelde bevolkingsdigtheid is 67,7 per km².

Geskiedenis[wysig | wysig bron]

In 1854 is die dorp strategies uitgelê deur die landmetergeneraal van die Natalkolonie, dr PC Sutherland, om as rusplek te dien vir mense wat op reis was tussen Durban en Johannesburg. Die dorp is later "Waterfall River Township" genoem na die Ncandurivier.

In 1864 is die dorp se naam na Newcastle verander. Dit is die vierde dorp wat in Natal gestig is na Durban, Weenen en Pietermaritzburg. Newcastle is vernoem na die Britse Koloniale sekretaris, die Hertog van Newcastle.

In 1870 is Fort Amiel in Newcastle gebou om die Zoeloes af te weer. Die woongebied wat rondom die fort gebou is, staan vandag bekend as Amiel Park.

Om Koningin Victoria se silwerjubileum in 1897 te vier, is 'n sandsteengebou in die middel van die dorp gebou. Dit staan nou bekend as Newcastle se stadsaal wat na twee jaar voltooi is.

Die dorp is as 'n depot gebruik deur die Britte gedurende die eerste en tweede Anglo-Boereoorlog. In 1890 het die eerste trein Newcastle binnegestoom. Die N11 nasionale pad is ook deur Newcastle gebou.

In 1891 is Newcastle as 'n volwaardige dorp verklaar. Later is steenkool hier gevind, en Newcastle se era van ontwikkeling het begin. Groot fabrieke is om Newcastle gebou. Mittal (voorheen Yskor) vervaardig yster, en nog 'n groot fabriek, Karbochem, is op die dorp gebou. Daar was sprake van 'n Sasol-aanleg wat buite die dorp sou open, asook 'n kaasfabriek.

Die tipiese landskap rondom Newcastle. In die agtergrond is die Drakensberge.
Die Ncandu waterval, 12 km buite Newcastle.

Vermaak en besienswaardighede[wysig | wysig bron]

Ncandu-waterval is slegs 12 km buite die dorp in die rigting van Normandien. Dit bied ontspanningsarea in die natuur met braai- en ablusiefasiliteite.

Daar is twee gholfbane, Newcastle Gholfklub en Kilbarchan Gholfklub, wat graag alle gholfspelers verwelkom.

Daar is 7 stap- en perdryroetes in Normandien en Ingogo-areas, wat varieer tussen een-dag uitstappies na Majubaberg en 2- tot 3-dae ekskursies die berge in.

Die Chelmsford-natuurreservaat is welbekend onder vissermanne vir die dam se karp. Die reservaat beslaan 1000 ha, en het renosters, sebras, blouwildebeeste, blesbokke, en springbokke. Die reservaat bied ook oornagakkomodasie en is minder as 30 minute se ry van die dorp af. Daar is ook verskeie 4x4-roetes.

Onlangs het 'n R100 miljoen kasino in Newcastle sy deure geopen. Century Casino is 'n luukse kasino met 'n 4-ster hotel, 'n spa en verskeie vermaakareas.

'n Verskeidenheid inkopiesentrums word ook hier aangetref, waaronder Amajuba Mall, Victorian Mall (met bioskoop), Scott Street Mall, Village Mall, Taxi City en Pick-n-Pay Sentrum. Century Mall, 'n R450 miljoen-inkopiesentrum, is in 2009 geopen. [1][dooie skakel]. Daar is ook 'n aantal kleiner inkopiesentrums wat nader aan die woongebiede geleë is.

Sien ook[wysig | wysig bron]

Eksterne skakels[wysig | wysig bron]