Pisces-Cetus-superswermkompleks

in Wikipedia, die vrye ensiklopedie
Spring na: navigasie, soek
Kaart van die superswerms wat die naaste aan ons Virgo-superswerm geleë is.

Die Pisces-Cetus-superswermkompleks is ’n kompleks van superswerms wat die Virgo-superswerm insluit waarin ons Lokale Groep en dus die Melkweg val.[1] (’n Studie in September 2014 het egter getoon die Virgo-superswerm is eintlik net deel van ’n nog groter superswerm, Laniakea.)[2][3][4]

Ontdekking en eienskappe[wysig | wysig bron]

Die sterrekundige R. Brent Tully van die Universiteit van Hawaii se Instituut vir Sterrekunde het die kompleks in 1987 geïdentifiseer.[5]

Die Pisces-Cetus-kompleks is na raming sowat ’n miljard ligjare lank en 150 miljoen ligjare breed. Dit is een van die grootste strukture wat tot nog toe in die heelal geïdentifiseer is.

Dit bestaan uit sowat 60 superswerms en het na raming ’n massa van sowat 1018 sonmassas (M).[6] Volgens die ontdekker bestaan die kompleks uit vyf dele:

  1. Die Pisces-Cetus-superswerm
  2. Die Perseus-Pegasus-ketting, wat die Perseus-Pisces-superswerm insluit
  3. Die Pegasus-Pisces-ketting
  4. Die Sculptor-gebied, wat die Sculptor- en Hercules-superswerm insluit
  5. Die Virgo-Hydra-Centaurus-superswerm, wat ons Virgo-superswerm en die Hydra-Centaurus-superswerm insluit[6].

Met sy massa van 1015 M, beslaan ons Virgo-superswerm maar 0,1 persent van die totale massa van die kompleks.

Verwysings[wysig | wysig bron]

  1. Tully, R. B. (1986-04-01). “Alignment of clusters and galaxies on scales up to 0.1 C”. The Astrophysical Journal 303: 25–38. DOI:10.1086/164049. Besoek op 2011-05-03.
  2. "Newly identified galactic supercluster is home to the Milky Way", National Radio Astronomy Observatory, ScienceDaily, 3 September 2014.
  3. Irene Klotz (3 September 2014). “New map shows Milky Way lives in Laniakea galaxy complex”. Reuters. ScienceDaily.
  4. Quenqua, Douglas, "Astronomers Give Name to Network of Galaxies", New York Times, 3 September 2014. URL besoek op 4 September 2014.
  5. John Noble Wilford. "Massive Clusters of Galaxies Defy Concepts of the Universe", November 10, 1987.
  6. 6,0 6,1 Tully, R. Brent (1987-12-01). “More about clustering on a scale of 0.1 C”. The Astrophysical Journal 323: 1–18. DOI:10.1086/165803. Besoek op 2011-05-03.