Hercules-dwergsterrestelsel

in Wikipedia, die vrye ensiklopedie
Jump to navigation Jump to search
Hercules-dwergsterrestelsel
Die Hercules-dwergsterrestelsel het ’n langwerpige vorm. Bron: LBT
Die Hercules-dwergsterrestelsel het ’n langwerpige vorm.
Bron: LBT
Soort stelsel Dwergsterrestelsel
Sterrebeeld Hercules
Tipe dSph
Waarnemingsdata (Epog J2000)
Regte klimming 16h 31m 02s
Deklinasie +12º 47' 30"
Skynmagnitude 14,7
Besonderhede
Afstand (ligjaar) 479 000
Skynbare grootte  16′,8
Kenmerke Melkwegsatelliet
Ander name Her
Portaal  Portaalicoon   Sterrekunde

Die Hercules-dwergsterrestelsel of Her is ’n sferoïdale satellietstelsel van die Melkweg in die sterrebeeld Hercules. Dit is in 2006 ontdek in data van die Sloan- Digitale Lugopname.[1] Dit is sowat 479 000 ligjare van die Son af en beweeg weg van die Son teen ’n snelheid van sowat 45 km/s.[1][2]

Die stelsel het ’n duidelike langwerpige vorm, wat dalk veroorsaak word deur getykragte van die Melkweg wat daarop inwerk.

Hercules is een van die Melkweg se kleinste en dofste satelliete – dit het ’n absolute magnitude van sowat −6,6, wat ooreenstem met dié van ’n bolvormige sterreswerm.[1] Sy massa is egter 7 miljoen sonmassas; die groot verhouding tussen massa en ligsterkte (330) dui op die teenwoordigheid van baie donkermaterie.

Die sterre is hoofsaaklik ou sterre wat meer as 12 miljard jaar gelede gevorm is en was waarskynlik van die eerste sterre in die heelal. Hulle bevat ook baie min metale. Daar vind tans geen stervorming plaas nie.

Verwysings[wysig | wysig bron]

Crystal txt.png Hierdie artikel is vertaal uit die Engelse Wikipedia
  1. 1,0 1,1 1,2 (2007) “Cats and Dogs, Hair and a Hero: A Quintet of New Milky Way Companions”. The Astrophysical Journal 654 (2): 897. doi:10.1086/509718.
  2. (2007) “The Kinematics of the Ultra‐faint Milky Way Satellites: Solving the Missing Satellite Problem”. The Astrophysical Journal 670: 313. doi:10.1086/521816.