Ursa Major I-dwergsterrestelsel

in Wikipedia, die vrye ensiklopedie
Jump to navigation Jump to search
Ursa Major I-dwergsterrestelsel
Soort stelsel Dwergsterrestelsel
Sterrebeeld Groot Beer (Ursa Major)
Tipe dSph
Waarnemingsdata (Epog J2000)
Regte klimming 10h 34m 52,8s
Deklinasie +51º 55' 12"
Besonderhede
Afstand (ligjaar) 330 000
Besonderse kenmerke Melkwegsatelliet
Ander name UMa I-dwerg, Ursa Major I dSph
Lugkoördinate
10h 34m 52.8s, +51° 55′ 12″
Portaal  Portaalicoon   Sterrekunde

Die Ursa Major I-dwergsterrestelsel of Ursa Major I dSph is ’n sferoïdale satellietstelsel van die Melkweg in die sterrebeeld Groot Beer (Ursa Major). Die ontdekking daarvan deur Beth Wilman en ander is in 2005 aangekondig.[1]

Dit is ’n baie klein stelsel: net ’n paar duisend ligjare in deursnee. Sy absolute magnitude is na raming net -6,75[1] en dit is sedert 2006 die dofste sterrestelsel bekend naas die Boötes I- (-5,7) en die Ursa Major II-dwerg (-3,8). Dit is dus dowwer as sommige sterre in die Melkweg. Dit is al vergelyk met die Sextans-dwergsterrestelsel:[1] albei is baie oud en arm aan metale.

Ursa Major I is na raming sowat 330 000 ligjare van die Son af[1] – sowat twee keer so ver as die Groot Magellaanse Wolk, die Melkweg se grootste en helderste satelliet-sterrestelsel.

In 1949 het Edwin Hubble ’n ander struktuur ontdek wat eers bekend was as die Ursa Major-dwerg.[2] Intussen is egter gevind Palomar 4 is ’n baie verafgeleë bolswerm (sowat 360 000 ligjare van hier).

Verwysings[wysig | wysig bron]

  1. 1,0 1,1 1,2 1,3 Willman, Dalcanton, Martinez-Delgado, et al. (2005) "A New Milky Way Dwarf Galaxy in Ursa Major", submitted to Astrophysical Journal Letters, on arXiv.org: astro-ph/0503552
  2. "Ursa Major Dwarf, Palomar 4". Milky Way Globular Clusters. Besoek op April 16, 2005.

Eksterne skakels[wysig | wysig bron]