Ursa Major II-dwergsterrestelsel

in Wikipedia, die vrye ensiklopedie
Spring na: navigasie, soek
Ursa Major II-dwergsterrestelsel
Soort stelsel Dwergsterrestelsel
Sterrebeeld Groot Beer (Ursa Major)
Tipe dSph
Waarnemingsdata (Epog J2000)
Regte klimming 08h 51m 30s
Deklinasie +63º 07' 48"
Skynmagnitude (m) 14,3
Besonderhede
Afstand (ligjaar) 98 000
Skynbare grootte 32′
Besonderse kenmerke Melkwegsatelliet
Ander name UMa II
Lugkoördinate
08h 51m 30s, +63° 07′ 48″
Portaal  Portaalicoon   Sterrekunde

Die Ursa Major II-dwergsterrestelsel of UMa II is ’n sferoïdale satellietstelsel van die Melkweg in die sterrebeeld Groot Beer (Ursa Major). Dit is in 2006 ontdek in data van die Sloan- Digitale Lugopname.[1] Dit is sowat 98 000 ligjare van die Son af en beweeg in die rigting van die Son teen ’n snelheid van sowat 116 km/s.[2]

Uma II is een van die Melkweg se kleinste en dofste satellietstelsels. Dit het ’n absolute magnitude van sowat −4, wat laer is as ’n tipiese bolvormige sterreswerm en selfs sommige sterre. Dit het egter ’n massa van 5 miljoen sonmassas. Die verhouding tussen ligsterkte en massa is sowat 2 000.[2] Dié raming kan egter verkeerd wees aangesien die stelsel ’n ietwat onreëlmatige vorm het en dalk in die proses van gety-verbrokkeling is.[1]

Die sterre in Uma II is meestal ouer as 10 miljard jaar,[1] en is arm aan metale.[3] Daar vind op die oomblik geen stervorming plaas nie.

Verwysings[wysig | wysig bron]

  1. 1,0 1,1 1,2 (2006) “A Curious Milky Way Satellite in Ursa Major”. The Astrophysical Journal 650: L41. DOI:10.1086/508628.
  2. 2,0 2,1 (2007) “The Kinematics of the Ultra‐faint Milky Way Satellites: Solving the Missing Satellite Problem”. The Astrophysical Journal 670: 313. DOI:10.1086/521816.
  3. (2008) “Uncovering Extremely Metal-Poor Stars in the Milky Way's Ultrafaint Dwarf Spheroidal Satellite Galaxies”. The Astrophysical Journal 685: L43. DOI:10.1086/592432.