Leo V-dwergsterrestelsel

in Wikipedia, die vrye ensiklopedie
Jump to navigation Jump to search
Leo V-dwergsterrestelsel
Soort stelsel Dwergsterrestelsel
Sterrebeeld Leeu (Leo)
Tipe DSph
Waarnemingsdata (Epog J2000)
Regte klimming 11h 31m 09,6s
Deklinasie -02º 13' 12"
Skynmagnitude 16
Besonderhede
Afstand (ligjaar) 585 000
Skynbare grootte  5′,2
Kenmerke Melkwegsatelliet
Ander name Geen
Portaal  Portaalicoon   Sterrekunde

Die Leo V-dwergsterrestelsel is ’n satellietstelsel van die Melkweg in die sterrebeeld Leeu (Leo). Dit is in 2007 ontdek in data van die Sloan- Digitale Lugopname.[1] Die stelsel is sowat 585 000 ligjare van die Son af en beweeg weg van die Son teen ’n snelheid van sowat 173 km/s.[1]

Leo V is een van die Melkweg se kleinste en dofste satellietstelsels. Dit het ’n absolute magnitude van −5,2, wat laer is as ’n tipiese bolvormige sterreswerm. Dit het egter ’n massa van 330 000 sonmassas. Die verhouding tussen ligsterkte en massa is sowat 75, en so ’n groot verhouding dui daarop dat Leo V oorheers word deur baie donkermaterie.[2]

Die sterre in Leo V is meestal ouer as 12 miljard jaar,[1] byna so oud soos die heelal self, en is arm aan metale.

Leo V is sowat 3 booggrade van ’n ander satellietstelsel van die Melkweg, Leo IV. Dié twee stelsels kan fisiek gebonde wees.[1] Daar is tekens dat hulle verbind word deur ’n sterrebrug.[3]

Verwysings[wysig | wysig bron]

Crystal txt.png Hierdie artikel is vertaal uit die Engelse Wikipedia
  1. 1,0 1,1 1,2 1,3 Belokurov, V.; Walker, M.G.; Evans, N.W. et al. (2008). “Leo V: A companion of a companion of the Milky Way galaxy”. The Astrophysical Journal 686 (2): L83–L86. doi:10.1086/592962.
  2. Walker, M. G.; Belokurov, V.; Evans, N.W. et al. (2009). “Leo V: Spectroscopy of a Distant and Disturbed Satellite”. The Astrophysical Journal 694 (2): L144–147. doi:10.1088/0004-637X/694/2/L144.
  3. (2010) “The Enigmatic Pair of Dwarf Galaxies Leo Iv and Leo V: Coincidence or Common Origin?”. The Astrophysical Journal 710 (2): 1664. doi:10.1088/0004-637X/710/2/1664.