Ronnie Kasrils

in Wikipedia, die vrye ensiklopedie
Spring na: navigasie, soek
Ronald Kasrils
Ronnie Kasrils

Minister van Intelligensie
Ampstermyn
27 April 2004 – 25 September 2008
Voorafgegaan deur Lindiwe Sisulu
Opgevolg deur Siyabonga Cwele

Minister van Waterwese en Bosbou
Ampstermyn
1999 – 2004
Voorafgegaan deur Kader Asmal
Opgevolg deur Buyelwa Sonjica

Persoonlike besonderhede
Geboorte 15 November 1938
Yeoville, Johannesburg
Politieke party ANC, SAKP
Eggenoot/eggenote Eleanor
Amina Frense

Ronald Kasrils (algemeen bekend as "Rooi" Ronnie Kasrils; gebore 15 November 1938) is 'n Suid-Afrikaanse politikus. Hy was van 1999 tot 2004 die minister van waterwese en bosbou en van 27 April 2004 tot 25 September 2008 die minister van intelligensie. Kasrils het van 1987 tot 2007 op die ANC se Nasionale Uitvoerende Komitee (NUK) gedien. Van 1986 tot 2007 was hy 'n lid van die Suid-Afrikaanse Kommunistiese Party (SAKP) se Sentrale Komitee.

Biografie[wysig | wysig bron]

Ronald Kasrils is op 15 November 1935 in Yeoville in Johannesburg gebore. Hy is die seun van Rene (gebore Cohen) en Isidore Kasrils, twee Oos-Europese Jode wat van die tsaristiese heerskappy na Suid-Afrika gevlug het. Hy matrikuleer van die King Edward VII Hoërskool in Houghton, waarna hy sy loopbaan as 'n draaiboekskrywer begin.

Na die Sharpeville-slagting besluit hy om by die ANC aan te sluit, maar hy word in 1962 deur die regering ingeperk. In 1964 ontvang hy militêre opleiding in Odessa in die destydse Sowjetunie. Hy het dié militêre kennis ingespan om aanslagte teen die Suid-Afrikaanse magte vanaf die land se buurlande te loods. Hy was onder ander by toe 28 mense in 1992 in die Bisho-slagting deur Ciskeise troepe doodgeskiet is.[1]

Hy het in die kabinette van Nelson Mandela en Thabo Mbeki gedien, eers as minister van waterwese en bosbou en later as die minister van intelligensie. Hy bedank egter na die bedanking van president Thabo Mbeki in September 2008.[2]

Kasrils trou op 2 Februarie 2012 met die joernalis Amina Frense in Wynberg se kantoor vir binnelandse sake in Kaapstad. Dit was sy derde huwelik, nadat sy tweede vrou, Eleanor, in 2009 gesterf het.[3]

Verwysings[wysig | wysig bron]

  1. Rooi Ronnie se troebel gemoed, Netwerk24, 11 April 2014
  2. "Confusion rattles markets", Sapa (IOL), 23 September 2008.
  3. Kasrils, Ronnie (2010). The Unilikely Secret Agent. New York: Monthly Review Press. p. 183. ISBN 978-1-58367-277-8.