Yeoville

in Wikipedia, die vrye ensiklopedie
Jump to navigation Jump to search
Yeoville
Ligging van Yeoville op 'n kaart (Gauteng)
Yeoville
Yeoville
 Yeoville se ligging in Gauteng
Koördinate: 26°10′S 28°3′O / 26.167°S 28.050°O / -26.167; 28.050Koördinate: 26°10′S 28°3′O / 26.167°S 28.050°O / -26.167; 28.050
Land Vlag van Suid-Afrika Suid-Afrika
Provinsie Gauteng
Munisipaliteit Stad Johannesburg
Oppervlak[1]
 - Voorstad 0,97 km²  (0,4 vk m)
Bevolking (2011)[1]
 - Voorstad 18 884
 - Digtheid 19 468/km² (50 421,9/myl2)
Rasverdeling (2011)[1]
 • Blank 1.6%
 • Indiër/Asiër 0.5%
 • Kleurling 1.1%
 • Swart 96.5%
 • Ander 0.4%
Taal (2011)[1]
 • Zoeloe 29.1%
 • Engels 21.2%
 • Ndebele 15.1%
 • Xhosa 4.5%
 • Ander 30.0%
Toe dié straatplan van Johannesburg in 1897 uitgereik is, was die voorstad Yeoville net vyf jaar oud en die stad self sowat 11 jaar.

Yeoville is 'n voorstad van Johannesburg, in die provinsie van Gauteng, Suid-Afrika.

Yeoville is in 1892 (ses jaar ná die ontdekking van goud) deur Thomas Yeo Sherwell, bestuurder van die City Deep-goudmyn wat van Yeovil in die Verenigde Koninkryk gekom het, geproklameer. Nadat hy die gebied laat opmeet het, is die voorstad so ver uit die dorp geag dat op 'n vendusie om erwe te verkoop, niemand gebie het nie, en hy die erwe teen £1 stuks moes verkoop. Sherwood was een van die oorspronklike lede van die Goldfields Diggers' Committee, wat op 8 November 1886 gevorm is om as 'n dorpsbestuursraad op te tree. Die voorstad is as 'n "sanatorium vir die rykes" geadverteer, waar die lug helder en skoon is omdat dit op 'n randjie is wat oor die destydse vuil, rokerige myndorp uitgekyk het. Die rykes van die tyd het egter nie daar eiendom aangeskaf nie. Die voorstad was aanvanklik wel die tuiste van ietwat meer gegoede inwoners, maar nadat die aangrensende Houghton aangelê is, het dit ontwikkel as 'n meerklassige gebied wat armer mense en verskeie golwe van immigrante uit die buiteland gelok het.

In die laat 1980's en vroeë 1990's was dit 'n gewilde woonplek vir skrywers en kunstenaars, onder wie Victor Munnik, Koos Kombuis, Harry Kalmer, Theunis Engelbrecht en Gys de Villiers. Al die jare was dit 'n oorwegend Engelse voorstad, soos blyk uit die getal munisipale kiesers in bepaalde jare: In 1934 was hier slegs 92 Afrikaanse kiesers en 2 709 Engelse, in 1949 194 en 3 917 en in 1961 473 en 4 738. Ten spyte van 'n skerp toename in die Afrikaanse kiesers, was hulle steeds tien keer so min soos die Engelse kieser.

Bronne[wysig | wysig bron]

  • (en) Raper, Peter Edmund. 2004. New Dictionary of South African Place Names. Johannesburg & Cape Town: Jonathan Ball Publishers
  • (af) Stals, prof. dr. E.L.P (red.). 1978. Afrikaners in die Goudstad. Deel 1. 1886 - 1924. Kaapstad en Pretoria: HAUM.

Verwysings[wysig | wysig bron]

  1. 1,0 1,1 1,2 1,3 "Subplek Yeoville". Sensus 2011. 


Flag of Johannesburg.svg Hierdie artikel omtrent 'n plek in Johannesburg is slegs ’n saadjie. Jy kan Wikipedia help deur dit uit te brei.