Vlag van Réunion

in Wikipedia, die vrye ensiklopedie
Vlag van Réunion
Vlag van Réunion
Vlag van Réunion
Verhouding 2:3
Ontwerp ’n Vertikale driekleur in blou, wit en rooi.

Die Franse oorsese gebied Réunion het geen amptelike vlag nie en gebruik die Franse vlag. Die eiland het verskeie voorgestelde vlae maar daar is nog nie op ’n spesifieke een besluit nie.

Ander vlae[wysig | wysig bron]

Die simboliek vir die vlag wat voorgestel is deur die Réunionese Vlagkundige Vereniging is soos volg: rooi stel die vulkaan en krag voor, blou stel die lug en soetheid voor en geel stel die son en helderheid voor.[1]

Die simboliek vir die vlag wat voorgestel is deur die Vereniging vir die Réunionvlag is soos volg: naas die kleure van die Franse vlag stel blou die eilandbewoners van Europese herkoms voor asook die Christelike geloof en die see, die goudgeel stel die eilandbewoners van Indiese herkoms voor asook Hinduïsme en die son, rooi stel die eilandbewoners van Sjinese herkoms voor asook hulle tradisies en die vulkaan en groen stel die eilandbewoners afkomstig van Afrika voor asook Islam en die natuur. Al die eilandbewoners leef in vrede, harmonie en bedagsaamheid en dit word deur die wit skyf gesimboliseer.[2]

Die simboliek vir die vlag wat voorgestel is deur die Verstaan- en Helpende Hand Beweging is soos volg: rooi stel die vulkaniese oorsprong van Réunion voor asook die stryd van kulturele militante vir vryheid, die geel stel die son voor, die swart stel die element van slawehandel in die eilandgeskiedenis voor, die blou stel die lug en die Indiese oseaan voor en die groen stel Réunionese plantegroei voor. Die mengsel van kleure simboliseer die Réunionese reënboog van verskeidenheid in eenheid.[3]

Verwysings[wysig | wysig bron]

  1. (en) Voorstel deur die Réunion Vlagkundige Vereniging by Flags of the World. URL besoek op 8 Februarie 2010.
  2. (en) Voorstel deur die Vereniging vir die Réunionvlag by Flags of the World. URL besoek op 8 Februarie 2010.
  3. (en) Voorstel deur die Verstaan- en Helpende Hand Beweging by Flags of the World. URL besoek op 8 Februarie 2010.

Eksterne skakels[wysig | wysig bron]