Vlag van Gambië

in Wikipedia, die vrye ensiklopedie
Vlag van Gambië
Vlag van Gambië
Vlag van Gambië
Gebruik Nasionale vlag en vaandel Nasionale vlag en vaandel
Verhouding 2:3
Goedgekeur 18 Februarie 1965
Ontwerp ’n Horisontale driekleur met rooi, blou en groen bane met wit fraaiings om die blou baan.
Ontwerp deur Pa Louis Thomasi[1]

Die nasionale vlag van die Gambië is op 18 Februarie 1965 amptelik in gebruik geneem. Dit was met die onafhanklikheidwording van Brittanje. Die vlag vertoon ’n horisontale driekleur met bane in (van bo na onder) rooi, blou en groen met wit fraaiings om die middelste blou baan.

Simboliek[wysig | wysig bron]

Die vier kleure in die vlag het elkeen ’n simboliiese betekenis. Die rooi stel die son en die grasvlaktes voor, die blou stel die Gambiërivier voor wat deur Gambië vloei, die groen stel die land en die bosse voor en die wit fraaiings stel vrede voor.

Ontwerp[wysig | wysig bron]

Die rooi, blou en groen bane is nie ewe groot nie. Die rooi en groen bane is een-en-’n-half keer so breed as die blou baan. Die rooi en groen bane is elk een derde die hoogte van die vlag en die blou baan is 2/9. Saam met die fraaiings is die blou baan ook een derde in die hoogte. Die fraaiings is elk dus 1/18 in die hoogte van die vlag.

Konstruksietekening
Konstruksietekening

Ander vlae[wysig | wysig bron]

Vorige vlae[wysig | wysig bron]

Tot onafhanklikheid in 1965 was Gambië onder Britse beheer. Tussen 1821 en 1888 het dit deel uitgemaak van Brits-Wes-Afrika en is ’n vlag van die kolonie gebruik (’n blou Britse vaandel) met die koloniale embleem. In 1888 het Gambië ’n afsonderlike kolonie geword en is ’n nuwe embleem in gebruik geneem en die vlag is daarvolgens aangepas. ’n Blou Britse vaandel met die koloniale wapen van Gambië aan die wapperkant is toe amptelik gebruik. Op die koloniale wapen staan ’n olifant voor ’n palmboom en ’n groen berglandskap. Onder die olifant staan in rooi letters die voorletters van die gebied (G.). Ghana (toe die Goudkus), Nigerië (toe die Lagos-kolonie) en Sierra Leone, ook voormalige Britse kolonies, het dieselfde koloniale wapen gebruik maar met hul eie voorletters daarop (G.C., L. en S.L. onderskeidelik).

Die vlag het onveranderd gebly ten tyde van die Senegambiaanse Konfederasie van 1982 tot 1989.

Ander vlae[wysig | wysig bron]

Verwysings[wysig | wysig bron]

  1. (en) "President Jammeh stel nuwe kabinet aan". The Gambia Statehouse News. 23 Oktober 2006. Besoek op 26 Mei 2008.

Eksterne skakels[wysig | wysig bron]

Hierdie artikel is in sy geheel of gedeeltelik vanuit die Nederlandse Wikipedia vertaal.