Vlag van die Kanariese Eilande

in Wikipedia, die vrye ensiklopedie
Vlag van die Kanariese Eilande
Vlag van die Kanariese Eilande
Vlag van die Kanariese Eilande
Gebruik Staatsvlag Staatsvlag
Verhouding 2:3
Goedgekeur 16 Augustus 1982
Ontwerp ’n Vertikale driekleur in wit, blou en geel met die landswapen in die blou baan op die staatsvlag.

Die vlag van die Outonome Gemeenskap van die Kanariese Eiande is op 16 Augustus 1982 amptelik in gebruik geneem. Die vlag vertoon ’n vertikale driekleur in wit, blou en geel met die landswapen in die middel van die blou baan op die staatsvlag.

Simboliek[wysig | wysig bron]

Die kleure van die vlag is afgelei van die stede Santa Cruz de Tenerife (blou en wit) en Las Palmas de Gran Canaria (blou en geel). Daarnaas kom die kleure ook gereeld voor op die vlae van die sewe Kanariese Eilande.

Ontwerp[wysig | wysig bron]

Die hoogte-breedteverhouding van die vlag is 2:3[1] net soos by die vlag van Spanje. Elk van die drie bane neem een derde van die lengte van die vlag in.

Op 21 Desember 2004 is die kleurspesifikasies vir die eerste keer amptelik vasgelê en op 12 Desember 2005 is dit gewysig.

Kleure[wysig | wysig bron]

Kleurskema Wit Blou Geel
Pantone nie gespesifiseer 3005 7406
RGB-kleursisteem 255-255-255 7-104-169 255-204-0
CMYK C0-M0-Y0-K0 C100-M35-Y0-K0 C0-M20-Y100-K0
Heksadesimaal #FFFFFF #0768A9 #FFCC00

Ander vlae[wysig | wysig bron]

Die eerste vlag wat al sewe eilande verteenwoordig het, is ongeveer in 1907 gehys deur die Partido Nacionalista Canario (PNC, Kanariese Nasionalistiese Party). Hierdie vlag het bestaan uit ’n blou agtergrond met sewe wit sterre daarop; dit het die sewe eilande in die middel van die water van die Atlantiese oseaan verteenwoordig. In dieselfde jaar het die digter, Nicolas Estevanez, ’n ontwerp gemaak waarop ’n gestileerde weergawe van die vulkaan, Teide, op Tenerife sentraal was, maar op Gran Canaria is die vlag haas nooit gebruik nie.[1]

In 1961 het die Movimento Canarias Libre ’n nuwe vlag ontwerp wat bestaan het uit drie vertikale bane in wit, blou en geel. Hierdie vlag lyk baie soos die huidige vlag, maar in die 1961-weergawe is die blou baan heelwat langer as die ander bane en die wapen ontbreek. Tydens die bewind van Francisco Franco was Spaanse deelgebiede egter nie toegelaat om hul eie vlae te hê nie.

Kort na die dood van Franco kon Spaanse gebiede hul eie vlae aanneem, waarna die Kanariese Eilande hul eerste amptelike vlag (die huidige een), gebaseer op die 1961-ontwerp, aanvaar het. Die ontwerp is bekragtig deur die Status van die outonomie van die Kanariese outonome gemeenskap van 16 Augustus 1982.

Vlae van die provinsies[wysig | wysig bron]

Die provinsies van die Kanariese Eilande, Santa Cruz de Tenerife en Las Palmas, het geen vlag nie.

Vlae van die eilande[wysig | wysig bron]

Verwysings[wysig | wysig bron]

  1. 1,0 1,1 (en) Flags of the World (2004): Canary Islands (Spain), URL besoek op 28 Augustus 2007.

Eksterne skakels[wysig | wysig bron]


Hierdie artikel is in sy geheel of gedeeltelik vanuit die Nederlandse Wikipedia vertaal.