Vlag van Ivoorkus

in Wikipedia, die vrye ensiklopedie
Vlag van Ivoorkus
Vlag van Ivoorkus
Vlag van Ivoorkus
Gebruik Nasionale vlag en vaandel Nasionale vlag en vaandel
Verhouding 2:3
Goedgekeur 3 Desember 1959
Ontwerp ’n Vertikale driekleur met oranje aan die vlagpaalkant, wit in die middel en groen aan die wapperkant.

Die nasionale vlag van Ivoorkus is op 3 Desember 1959 amptelik in gebruik geneem. Die vlag vertoon ’n vertikale driekleur in die kleure oranje-wit-groen, met oranje aan die vlagpaalkant.

Na onafhanklikheid het Ivoorkus ’n alliansie van Wes-Afrikastate gevorm. Die vlae van hierdie state is deur die Pan-Afrika kleure (waarvan Ghana die eerste was) en die Franse driekleur (omdat Frankryk die koloniale mag in daardie gebied was) geïnspireer. Die vlag van Niger maak gebruik van dieselfde kleure as die vlag van Ivoorkus omdat Niger in alliansie was met Ivoorkus.

Simboliek[wysig | wysig bron]

’n Wapperende vlag van Ivoorkus
Die vlag van Ierland en dié van Ivoorkus wapper langs mekaar

Die kleure op die vlag is veronderstel om die volgende voor te stel: oranje stel die grond voor asook die betekenis van die geveg en die bloed van ’n jong volk wat om vrymaking geveg het, wit stel vrede met regverdigheid voor en groen stel hoop op ’n voorspoedige toekoms voor. Ander bronne meen dat die oranje die savannas in die noorde van die land voorstel en groen die woude van die suide. Wit is dan ’n simbool van eenheid. Die vlag van Niger het dieselfde betekenis.

Die vertikale verhoudings van die bane is dieselfde as dié van die Franse vlag.[1]

Kleure[wysig | wysig bron]

Die kleurskema word hieronder gelys:

Kleure Pantone RGB Heksadesimaal CMYK
Oranje 151 C 255, 130, 0[2] #FF8200[2] 0, 54, 100, 0[2]
Wit N/A 255, 255, 255 #FFFFFF 0, 0, 0, 0
Groen 347 C 0, 154, 68[3] #009A44[3] 92, 0, 97, 0[3]

Ander vlae[wysig | wysig bron]

Soortgelyke vlae[wysig | wysig bron]

Die ontwerp van die vlag van Ivoorkus stem baie ooreen met die vlag van Ierland, behalwe dat die verhouding verskil en die kleure omgekeerd is.

Verwysings[wysig | wysig bron]

  1. (en) Flags of the World (2004): Guinea, URL besoek op 19 Desember 2020.
  2. 2,0 2,1 2,2 (en) "PANTONE 151 C". Geargiveer vanaf die oorspronklike op 20 Januarie 2021. Besoek op 19 Desember 2020.
  3. 3,0 3,1 3,2 (en) "PANTONE 347 C". Geargiveer vanaf die oorspronklike op 13 Augustus 2020. Besoek op 19 Desember 2020.

Eksterne skakels[wysig | wysig bron]

Hierdie artikel is in sy geheel of gedeeltelik vanuit die Engelse Wikipedia vertaal.