Vlag van Algerië

in Wikipedia, die vrye ensiklopedie
Spring na: navigasie, soek
Vlag van Algerië
Vlag van  Algerië
Gebruik Nasionale vlag en Burgerlike- en Staatsvaandel Nasionale vlag en burgerlike- en staatsvaandel
Verhouding 2:3
Goedgekeur 3 Julie 1963
Ontwerp ’n Rooi ster en Turkse halfmaan in die middel van die vlag op ’n vertikale tweekleurige agtergrond met groen teen die vlagpaal en wit aan die wapperkant.
Wisselvormvlag van  Algerië
Gebruik Vlootvaandel Vlootvaandel
Verhouding 2:3
Ontwerp Soos bo met twee rooi gekruisde onklaar ankers in die skildhoek.

Die nasionale vlag van Algerië (Arabies:علم الجزائر, Frans: Drapeau de l’Algérie) is op 3 Julie 1963 amptelik in gebruik geneem. Die vlag vertoon twee gelyke vertikale bane van groen en wit met die wapenfiguur in die middel wat bestaan uit ’n rooi vyfpuntige ster en ’n Turkse halfmaan.

Symboliek[wysig]

Die wit kleur stel vrede voor; die groen natuurskoon; die rooi die bloed van gesneuweldes in die stryd om onafhanklikheid in die Algerynse oorlog (1954 - 1962) en die ster en halfmaan verteenwoordig Islam.

Ontwerp[wysig]

Die maan en ster is presies in die middel van die vlag, waarby die ster een kwart van die hoogte opneem en die maan die helfte. Die boonste en onderste punt van die ster is op dieselfde hoogte as die uiteinde van die maan.

Konstruksietekening

Ander vlae[wysig]

Die vlag is amptelik in gebruik geneem toe Algerië onafhanklikheid van Frankryk verkry het. Dit is soortgelyk aan die vlag wat sedert 1958 deur die Algerynse regering (wat toe in ballingskap was) gebruik is.

Die vlag is sowel geïnspireer deur die 19de eeuse standaard van Adb el-Kader as deur die Turkse vlag. Die standaard van Abd el-Kader het uit twee ewe breë vertikale bane in groen en wit bestaan. Die Turkse vlag was in gebruik toe die noorde van die huidige Algerië tot die Ottomaanse Ryk behoort het.

Eksterne skakels[wysig]

Commons-logo.svg
Wikimedia Commons het meer media verwant aan:
Vlae van Algerië (kategorie)


Hierdie artikel is in sy geheel of gedeeltelik vanuit die Nederlandse Wikipedia vertaal.