Vlag van Kaap Verde

in Wikipedia, die vrye ensiklopedie
Vlag van Kaap Verde
Vlag van Kaap Verde
Vlag van Kaap Verde
Gebruik Nasionale vlag en vaandel Nasionale vlag en vaandel
Verhouding 2:3
Goedgekeur 22 September 1992
Ontwerp ’n Blou agtergrond met ’n rooi baan met wit fraaiings in die onderste helfte en tien geel sterre in ’n sirkel.

Die nasionale vlag van Kaap Verde is op 22 September 1992 amptelik in gebruik geneem. Die vlag vertoon ’n blou agtergrond met ’n dun rooi baan met wit fraaiings (wat so breed is soos die rooi baan) op die onderste helfte van die vlag. Daar is tien geel vyfpuntige sterre aan die vlagpaalkant van die vlag in ’n sirkelvorm. Die kleurverhouding van die vlag is 6:1:1:1:3 (blou:wit:rooi:wit:blou) en die middelpunt van die sterresirkel is 3/8 in die lengte van die vlag van die vlagpaalkant af.

Simboliek[wysig | wysig bron]

Die sterre op die vlag stel die tien eilande voor wat aan die weskus van Afrika lê. Die sirkel waarin die sterre lê stel die eenheid van die Kaap Verdiese nasie voor, maar verwys ook na ’n seekompas en die stuur van ’n skip. Die blou op die agtergrond stel die see en lug voor, die wit-rooi-wit bane stel die weg na ontwikkeling en vooruitgang deur die mense van Kaap Verde voor. Afsonderlik stel wit vrede voor en rooi die inspanning van die mense.

Verhouding[wysig | wysig bron]

Weergawe met 'n 10:17-verhouding

Die grondwet van die Republiek[1] geen nie spesifikasies vir die amptelike verhouding van die vlag lengte en wydte van die vlag nie. Die dimensies van die dele wat die vlag uitmaak word wel gegee, maar is proporsioneel tot die kante van die vlag. Die verhouding wat die algemeenste voorkom is 2:3,[2] wat dieselfde verhouding is van die vlag wat tussen 1975 en 1992 gebruik is. Gevolglik is die verhouding van 2:3 die de facto (maar nie die de jure) verhouding van die vlag.

Kleure[wysig | wysig bron]

Die Boletim Oficial gee die amptelike skakerings van die vlag se kleure (nes as die kleure van die wapen):[3]

Kleur Pantone Webkleure RGB CMYK HSV
Blou 287C 003893 0, 56, 147 100%, 89%, 8%, 2% 218.69°, 100%, 55.47%
Wit Wit FFFFFF 255, 255, 255 0%, 0%, 0%, 0% 0, 0, 100%
Rooi 186C CF2027 207, 32, 39 12%, 100%, 100%, 3% 347.31°, 98.49%, 80.31%
Geel 116C F7D116 247, 209, 22 4%, 15%, 98%, 0% 47.74°, 100%, 100%

Die Pantone, CMYK en RGB is amptelik soos gepubliseer in die bulletin. Die ander kleurskakerings (Web en HSV) is interpretasies van die Pantone-standaarde.

Ander vlae[wysig | wysig bron]

Die oorspronklike vlag is met onafhanklikheid in 1975 aanvaar. Dit is die eerste keer op 3 Julie 1975 gehys en op 19 April 1976 amptelik in gebruik geneem. Die kleure van hierdie vlag was ook die Pan-Afrika kleure van rooi, groen en geel. Die vlag is identies aan die vlag van Guinee-Bissau behalwe vir die wapenfiguur in die vertikale rooi baan aan die vlagpaalkant. Albei die vlae is gebaseer op die PAIGC-vlag en die ooreenstemming in die vlae het ’n vereniging van die twee lande voorgestel. Dit is egter laat vaar kort na Kaap Verde se onafhanklikheidwording.

Verwysings[wysig | wysig bron]

Eksterne skakels[wysig | wysig bron]

  • (en) Kaap Verde by Flags of the World
  • (en) "Flag of Cabo Verde". Encyclopædia Britannica. Besoek op 14 Mei 2019.
Hierdie artikel is in sy geheel of gedeeltelik vanuit die Engelse Wikipedia vertaal.