Vlag van Zambië

in Wikipedia, die vrye ensiklopedie
Vlag van Zambië
Vlag van Zambië
Vlag van Zambië
Gebruik Nasionale vlag Nasionale vlag
Verhouding 2:3
Goedgekeur 24 Oktober 1964 gewysig in 1996
Ontwerp ’n Groen baan met ’n goue adelaar en drie vertikale bane in rooi, swart en oranje aan die wapperkant.
Ontwerp deur Gabrielle Ellison
Wisselvormvlag van Zambië
Wisselvormvlag van Zambië
Bynaam Lugmagvaandel
Verhouding 2:3
Ontwerp ’n Lugmagblou vlag met die rondeau van die Zambiese Lugmag in die middel.

Die nasionale vlag van Zambië is op 24 Oktober 1959 amptelik in gebruik geneem. Die vlag vertoon ’n groen baan met ’n gou adelaar bo-aan die wapperkant en drie vertikale bane in (van die vlagpaalkant) rooi, swart en oranje aan die wapperkant van die vlag.

Simboliek[wysig | wysig bron]

Die groen kleur op die vlag stel die land se vrugbare grond voor, die rooi stel die bloed voor wat gevloei het in die stryd om vryheid, swart stel die bevolking van Zambië voor en oranje stel die land se koperhulpbronne voor, wat ’n belangrike deel van die Zambiese ekonomie is. Die adelaar bo die drie vertikale bane simboliseer die hoop van die Zambiese volk.[1]

Ontwerp[wysig | wysig bron]

Die vlag het ’n ongewone ontwerp met die onderskeidende tekens wat aan die wapperkant van die vlag is (waar so te sê elke ander nasionale vlag s’n aan die vlagpaalkant of in die skildhoek is). Die vlag is deur die Zambiër, Gabrielle Ellison ontwerp.

Konstruksietekening
Konstruksietekening

Kleure[wysig | wysig bron]

Die vlag van Zambië volgens die korrekte Pantonekleure

Die kleurskema word hieronder gelys:

Groen Rooi Swart Oranje/Arend
RGB 25-138-0 222-32-16 0-0-0 239-125-0
Heksadesimaal #198a00ff #de2010ff #000000ff #ef7d00ff
CMYK 82, 0, 100, 46 0, 86, 93, 13 0, 0, 0, 100 0, 48, 100, 6

Geskiedenis[wysig | wysig bron]

Tot 1939 is die vlag van die Verenigde Koninkryk ook gebruik as die vlag vir Zambië. In 1939 is daar egter begin om van ’n blou Britse vaandel gebruik te maak waarop die Britse vlag in die skildhoek was en die wapenskild van Zambië op die wapperkant. In 1953 is die vaandel gewysig met ’n ander wapenskild op die wapperkant omdat Noord-Rhodesië saam met Njassaland in ’n Federasie getree het. Met die verkryging van onafhanklikheid in 1964 het Zambië ’n nuwe naam en vlag gekry en in 1996 is klein wysigings (die skakering van groen) aangebring.

Ander vlae[wysig | wysig bron]

Verwysings[wysig | wysig bron]

  1. (en) Greig, Charlotte. The Dictionary of Flags. Grange Books. ISBN 1-84013-758-4

Eksterne skakels[wysig | wysig bron]

  • (en) Zambië by Flags of the World.
  • (en) "Flag of Zambia". Encyclopædia Britannica. Besoek op 15 Mei 2019.