Peter Blum

in Wikipedia, die vrye ensiklopedie
Spring na: navigasie, soek
Peter Blum
Geboortenaam Peter Emil Julius Blum
Gebore 4 Mei 1925
Triëst
Oorlede 5 Desember 1990
Londen
Titel Digter
Huweliksmaat Henrietta Cecilia Smit

Peter Emil Julius Blum (gebore 4 Mei 1925, Triëst – oorlede 5 Desember 1990, Londen, Engeland) was 'n Afrikaanse digter.

Blum arriveer op die ouderdom van twaalf in Suid-Afrika, en was toe reeds verskeie tale magtig, insluitende Duits en Italiaans. Hy gaan skool in Durban en Johannesburg en studeer daarna by die Universiteit Stellenbosch en die Universiteit van Kaapstad.

Vanaf 1949 werk hy as bibliotekaris in Kaapstad en later in Kroonstad. In 1955 trou hy met Henrietta Cecilia Smit, 'n kunsonderwyser van Stellenbosch.

Hy publiseer verskeie artikels en ontvang erkenning vir sy gedigte. In 1956 word hy met die Reina Prinsen Geerligs Prys vir Steenbok tot poolsee bekroon. Hy skryf ook resensies vir Die Burger en vertaal verskeie werke na Afrikaans, onder andere vanuit Frans (werke van Apollinaire, Anouilh en Baudelaire).

Een van sy bekendste essays, Hoe ek dekadent geword het, verskyn in die Oktober 1956 uitgawe van Standpunte.

Ten spyte van sy baanbrekerswerk ontvang hy nie Suid-Afrikaanse burgerskap nie. Hy is diep teleurgesteld en draai sy rug op Afrikaans en die Afrikaanse kultuur, en trek saam met sy vrou na Londen.

Hy is op 5 Desember 1990 op 65 jarige ouderdom oorlede.

Werke[wysig]

Werke oor Peter Blum[wysig]

  • Kannemeyer, J.C. (1993) Wat het geword van Peter Blum? Tafelberg: Kaapstad. ISBN 9780624031963
  • Kannemeyer, J.C. (2009) Briewe van Peter Blum Hemel en see Uitgewers: Hermanus. ISBN 9780620426954
  • Kannemeyer, J.C. (1983) Geskiedenis van die Afrikaanse Literatuur Band 2 H&R-Academica: Pretoria