Haumea se natuurlike satelliete

in Wikipedia, die vrye ensiklopedie

Die dwergplaneet Haumea het twee bekende natuurlike satelliete, Hiʻiaka en Namaka, wat genoem is na godinne in die Hawaise mitologie. Die klein mane is in 2005 ontdek danksy waarnemings van Haumea deur die groot teleskope van die W.M. Keck-sterrewag in Hawaii.

Haumea se mane is op ’n paar maniere besonders. Daar word geglo hulle is miljarde jare gelede uit ysagtige afval gevorm nadat ’n groot botsing Haumea se ysmantel versteur het. Hiʻiaka, die grootste, verste maan, het groot hoeveelhede suiwer waterys op sy oppervlak, iets wat skaars is onder voorwerpe in die Kuipergordel.[1] Namaka, waarvan die massa omtrent ’n tiende van die ander maan s’n is, het ’n ongewone vreemde wentelbaan: dit is baie eksentriek en lyk of dit deur die groter maan beïnvloed word.

Verwysings[wysig | wysig bron]

  1. Barkume, K.M.; Brown, M.E.; Schaller, E.L. (2006). "Water Ice on the Satellite of Kuiper Belt Object 2003 EL61". The Astrophysical Journal 640: L87–L89. arXiv:astro-ph/0601534. Bibcode:2006ApJ...640L..87B. doi:10.1086/503159.