Natuurlike satelliet

Sommige van die natuurlike satelliete (mane) van ons sonnestelsel (op dieselfde skaal as die aarde)

Die woord maan word gebruik om natuurlike satelliete van planete en ander hemelliggame te beskryf. Daar is minstens 335 mane in die aarde se sonnestelsel en waarskynlik verskeie ander in ander sonnestelsels.

Die groot gasreuse, Jupiter en Saturnus het 'n uitgebreide stelsel van mane. Daarteenoor beskik Mercurius en Venus oor geen mane nie. Die aarde het een groot maan ("Die maan") en Mars het twee kleiner mane. Pluto het 'n groot maan Charon, alhoewel Pluto en Charon ook as 'n dubbelplaneet beskou kan word.