Julius Malema
| Julius Malema Juju |
|
 |
|
|
President van die Jeugliga
|
|
| Ampstermyn April 2008 – April 2012 |
|
| Opgevolg deur | Fikile Mbalula |
|---|---|
|
Persoonlike besonderhede
|
|
| Gebore | 3 Maart 1981 Seshego |
| Politieke party | ANC |
Julius Sello Malema (* 3 Maart 1981 in Seshego) is 'n omstrede Suid-Afrikaanse politieke figuur, en sedert April 2008 president van die ANC-Jeugliga. Hy is die bekendste vir sy omstrede uitlatings en toesprake, oor ondermeer vroue, blankes, aanhangers van Inkatha-leier Mangosuthu Buthelezi en teenstanders van die ANC. Hy gee ook dikwels luidkeelse ondersteuning vir die ANC- en in besonder staatspresident Jacob Zuma. Zuma en die premier van die Limpopo-provinsie het al na Malema verwys as die toekomstige president van Suid-Afrika.[1]
Malema is die onderwerp van 'n boek deur die Suid-Afrikaanse joernaliste Max du Preez en Nancy Rossouw: The world according to Julius Malema analiseer die denkbeelde van Malema en gaan dieper in op sy invloed binne die ANC.
Aanmerkings oor vroue [wysig]
Na 'n uitlating dat 'n vrou wat Zuma van verkragting aangekla het 'n "goeie tyd" moes gehad het, is hy in Maart 2010 deur landdros Colleen Collins skuldig bevind aan haatspraak en beveel om sy verskoning aan te bied. Hy is ook aangesê om R50 000 te betaal aan 'n instelling vir mishandelde vroue.[2] Malema was nie by die hofuitspraak teenwoordig nie, maar het aangedui dat hy teen die uitspraak sal appelleer.[3]
Aanmerkings oor blankes [wysig]
In Maart 2010 het Malema tydens 'n universiteitsbyeenkoms die "skiet die boere"-kreet gesing.[4] Die lied is eens deur Peter Mokaba in die vroeë 1990s gesing, maar is sedertdien deur die Suid-Afrikaanse Menseregtekommissie as haatspraak verklaar. Sommige groepe meen dat dit bygedra het tot die moord op Eugène Terre'Blanche op 3 April 2010.
Verwysings [wysig]
- ↑ Bottle-feeding this young baby monster Juju, deur Fikile-Nstikelelo Moya in die Sowetan. 8 Maart 2010. Verkry op 15 Maart 2010.
- ↑ ANC's Julius Malema guilty of South Africa hate speech, deur die BBC-nuus. 15 Maart 2010.
- ↑ Malema skuldig aan haatspraak, Beeld, 15 Maart 2010.
- ↑ Malema sings the Mokaba anti-boer tune IOL
 |
Hierdie artikel omtrent ’n Suid-Afrikaanse politikus is slegs ’n saadjie en bied tans nog nie ensiklopediese dekking van die betrokke onderwerp nie. Jy kan Wikipedia help deur dit uit te brei. |
