Fikile Mbalula

in Wikipedia, die vrye ensiklopedie
Spring na: navigasie, soek
Fikile Mbalula

Minister van Sport en Ontspanning
Ampsbekleër
Ampsaanvaarding
1 November 2010
President Jacob Zuma
Voorafgegaan deur Makhenkesi Stofile
President {{{president5}}}

Persoonlike besonderhede
Geboorte 4 Augustus 1971

Fikile Mbalula (gebore 4 Augustus 1971) is die Suid-Afrikaanse Minister van Sport en Ontspanning. Hy is 'n lid van die ANC se Nasionale Uitvoerende Komitee (NUK). Mbalula het vantevore as die Adjunkminister van die Suid-Afrikaanse Polisiediens gedien en is 'n voormalige president en sekretaris-generaal van die ANC-jeugliga.[1]

Loopbaan[wysig]

Mbalula is in Mei 2009 as die adjunk-minister van polisie in die kabinet van Jacob Zuma aangestel en is tans die minister van sport en ontspanning nadat pres. Zuma sy kabinet geskommel het.[2] Hy is aangestel na steunwerwing van die ANC-jeugliga[3][4] en, volgens media spekulasie, moontlik ook as 'n beloning vir sy lojaliteit teenoor Zuma.[5]

Tydens die algemene verkiesing van 2009 was hy die bestuurder van die ANC se verkiesingsveldtog, wat as hoogs suksesvol beskou is.[6]

Mbalula is in Desember 2007 tot die se ANC-NUK verkies by die party se Polokwane-konferensie. Volgens stemme behaal hy die 15de plek.[7] Daarna het hy uitgetree as die president van die ANC-jeugliga. Hy was 36 jaar oud en kon volgens ouderdom nie meer 'n lid van die jeugliga wees nie.[8]

Mbalula is in Augustus 2004 tot president van die ANC-jeugliga verkies, nadat hy voorheen die pos van sekretaris-generaal beklee het[9]

Hy word beskou as die persoon wat president Thabo Mbeki in die posisie help plaas het, en wat uiteindelik verantwoordelik was vir Mbeki se afsetting as hoof van die ANC[10] Sy ondersteuning is ook al beskryf as die sleutel tot Zuma se presidentskap.[11]

Hy het die kandidatuur van Julius Malema as sy opvolger as president van die Jeugliga ondersteun, wat beskou is as 'n skuif om die Jeugliga se steun vir Zuma te verseker.[12]

Verwysings[wysig]