Patricia de Lille
vanuit Wikipedia, die vrye ensiklopedie.
Patricia de Lille (17 Februarie 1951 - ) is die leier van die Onafhanklike Demokrate, 'n Suid-Afrikaanse politieke party wat deur haar in 2003 gestig is. Sy was ook voorheen 'n lid van die PAC.
[wysig] Loopbaan
De Lille het vroeër jare in Kaapstad as 'n laboratorium-assistent gewerk, waar sy betrokke geraak het by die Suid-Afrikaanse Chemiese Werkersunie. In 1983 is sy tot lid van die nasionale uitvoerende komitee verkies. In 1988 is sy verkies tot nasionale ondervoorsitter van die National Council of Trade Unions (Nactu), wat die hoogste posisie was wat 'n vrou in die vakbondbeweging tot op daardie stadium beklee het.
In 1990 is sy tot die nasionale uitvoerende komitee van die PAC verkies en neem as sulks deel vaan die grondwetlike onderhandelings (Codesa) wat aanleiding tot die eerste demokratiese verkiesing op 27 April 1994 aanleiding gegee het. Van 1994 tot 199 was sy voorsitter van die staande komitee op vervoer en ook hoofsweep van die PAC.
In die SABC3-program "Top 100 Great South Africans" is sy as nommer 22 aangewys[1].
