Messier 54

in Wikipedia, die vrye ensiklopedie
Messier 54
Messier 54 soos afgeneem deur die Hubble-ruimteteleskoop. (Bron: Nasa/STScI/WikiSky)
Messier 54 soos afgeneem deur die Hubble-ruimteteleskoop. (Bron: Nasa/STScI/WikiSky)
Soort stelsel Bolswerm
Sterrebeeld Boogskutter
Waarnemingsdata (Epog J2000)
Regte klimming 18h 55m 03,33s
Deklinasie -30º 28' 47,5"
Skynmagnitude 8,73
Besonderhede
Afstand (ligjaar) 87 400 (26 800 parsek)
Skynbare grootte  12 boogminute
Ander name M54, NGC 6715, GCl 104, C 1851-305
Portaal  Portaalicoon   Sterrekunde

Messier 54 of M54 (ook bekend as onder meer NGC 6715) is ’n bolvormige sterreswerm in die sterrebeeld Boogskutter. Dit is in 1766 deur Charles Messier ontdek wat dit in sy katalogus van komeetagtige voorwerpe opgeneem het.

Voorheen is geglo M54 behoort tot die Melkweg en is sowat 50 000 ligjare van die Aarde af, maar in 1994 is ontdek dit behoort waarskynlik tot die Sagittarius- Elliptiese Dwergsterrestelsel.[1] Volgens moderne ramings is M54 sowat 87 000 ligjare van hier en het dit ’n radius van 153 ligjare. Dit is een van die digste bolswerms en het ’n absolute helderheid van 850 000 keer dié van die Son: sowat -10.

M54 is redelik maklik om te vind. Dit is naby die ster Zeta Sagittarii. Die onderskeie sterre kan egter selfs met groter amateurteleskope nie gesien word nie.

In Julie 2009 het ’n span sterrekundiges bekend gemaak hulle het bewyse van ’n swartkolk in die kern van M54 gevind.[2]

Verwysings[wysig | wysig bron]

  1. Siegel, Michael H.; Dotter, Aaron; Majewski, Steven R.; Sarajedini, Ata; Chaboyer, Brian; Nidever, David L.; Anderson, Jay; Marín-Franch, Antonio; Rosenberg, Alfred (2007). "The ACS Survey of Galactic Globular Clusters: M54 and Young Populations in the Sagittarius Dwarf Spheroidal Galaxy". Astrophysical Journal Letters. 667 (1): L57-L60. arXiv:0708.0027. Bibcode:2007ApJ...667L..57S. doi:10.1086/522003.
  2. Ibata, R.; Bellazzini, M.; Chapman, S. C.; Dalessandro, E.; Ferraro, F.; Irwin, M.; Lanzoni, B.; Lewis, G. F.; Mackey, A. D. (2009). "Density and Kinematic Cusps in M54 at the Heart of the Sagittarius Dwarf Galaxy: Evidence for a solar mass 104 Black Hole?". Astrophysical Journal Letters. 699 (2): L169-L173. arXiv:0906.4894. Bibcode:2009ApJ...699L.169I. doi:10.1088/0004-637X/699/2/L169.

Eksterne skakels[wysig | wysig bron]

Koördinate: Sky map 18h 55m 03.28s, −30° 28′ 42.6″