Messier 34

in Wikipedia, die vrye ensiklopedie
Spring na: navigasie, soek
Messier 34
M34 2mass atlas.jpg
Soort Oop sterreswerm
Sterrebeeld Perseus
Regte klimming 02h 42,1m
Deklinasie +42º 46'
Afstand 1 500 ligjare
(470 parsek)
Oënskynlike magnitude 5,5 mag
Oënskynlike grootte (v) 35′.0
Radius 7 ligjare
Ander name NGC 1039, OCl 382, C 0238+425

Messier 34 of M34 (ook bekend as NGC 1039) is ’n oop sterreswerm in die sterrebeeld Perseus. Dit is voor 1654 deur Giovanni Batista Hodierna ontdek.[1] Charles Messier het dit in 1764 in sy katalogus van komeetagtige voorwerpe opgeneem.

M34 is sowat 1 500 ligjare (470 parsek) van die Aarde af.[2] Dit bevat sowat 400 sterre van tussen 0,12 en 1 sonmassa[3] en het ’n radius van sowat 7 ligjare. Die sterreswerm is net-net met die blote oog sigbaar in baie donker toestande, of met ’n verkyker as daar effense ligbesoedeling is.[4]

Die ouderdom van M34 is iewers tusen dié van die Plejades (100 miljoen jaar) en die Hiades (800 miljoen jaar). Vergelykings tussen waargenome sterspektrums en die waardes wat voorspel word deur evolusiemodelle, plaas M34 se ouderdom tussen sowat 200 miljoen en 250 miljoen jaar.[2] Dit is min of meer wanneer sterre met ’n sonmassa van 0,5 die hoofreeks binnegaan. In vergelyking daarmee gaan sterre soos die Son die hoofreeks na 30 miljoen jaar binne.[3]

Minstens 19 sterre in die swerm is wit dwerge. Dit is oorblyfsels van sterre van tot 8 sonmassas wat deur die hoofreeks beweeg het en nie meer energie verwek nie. Van die 19 is 17 van spektraaltipe DA of DAZ, een is tipe DB en die laaste een tipe DC.[5]

Verwysings[wysig]

  1. Frommert, Hartmut; Kronberg, Christine (1998-02-08). “Hodierna's Deep Sky Observations”. URL besoek op 2009-09-03.
  2. 2,0 2,1 Jones, B. F.; Prosser, Charles F. (1996). “Membership of Stars in NGC 1039 (M34)”. Astronomical Journal 111: 1193. DOI:10.1086/117865.
  3. 3,0 3,1 Irwin, Jonathan et al (2006). “The Monitor project: rotation of low-mass stars in the open cluster M34”. Monthly Notices of the Royal Astronomical Society 370 (2): 954–974. DOI:10.1111/j.1365-2966.2006.10521.x.
  4. Jones, Kenneth Glyn (1991). Messier's nebulae and star clusters, 2de, Cambridge University Press, 139. ISBN 0-521-37079-5. 
  5. Rubin, Kate H. R.; Williams, Kurtis A.; Bolte, M.; Koester, Detlev (2008). “The White Dwarf Population in NGC 1039 (M34) and the White Dwarf Initial-Final Mass Relation”. Astronomical Journal 135 (6): 2163–2176. DOI:10.1088/0004-6256/135/6/2163.

Eksterne skakels[wysig]

Messier-voorwerpe
M1 (Krap-newel)M2M3M4M5M6 (Skoenlapper-sterreswerm)M7 (Ptolemaeus-sterreswerm)M8 (Lagune-newel)M9M10M11 (Wilde-eend-sterreswerm)M12M13M14M15M16 (Arend-newel)M17 (Omega-newel)M18M19M20 (Driespletige Newel)M21M22M23M24 (Boogskutter-sterrewolk)M25M26M27 (Handgewig-newel)M28M29M30M31 (Andromeda-sterrestelsel)M32M33 (Driehoek-sterrestelsel)M34M35M36M37M38M39M40 (Winnecke 4)M41M42 (Orion-newel)M43M44 (Byekorf-sterreswerm)M45 (Plejades)M46M47M48M49M50M51 (Draaikolk-sterrestelsel)M52M53M54M55M56M57 (Ring-newel)M58M59M60M61M62M63 (Sonneblom-sterrestelsel)M64 (Swartoog-sterrestelsel)M65M66M67M68M69M70M71M72M73M74M75M76 (Klein Handgewig-newel)M77M78M79M80M81M82M83 (Suidelike Vuurwiel-sterrestelsel)M84M85M86M87M88M89M90M91M92M93M94M95M96M97 (Uil-newel)M98M99M100M101 (Vuurwiel-sterrestelsel)M102M103M104 (Sombrero-sterrestelsel)M105M106M107M108M109M110