3 November

vanuit Wikipedia, die vrye ensiklopedie.

Spring na: navigasie, soek

3 November is die 307de dag van de jaar (308ste in skrikkeljare) van die Gregoriaanse kalender, met 58 dae oor.

Inhoud

1 Gebeure
2 Geboortes
3 Sterftes
4 Vakansiedae en Herdenkings

[wysig] Gebeure

1793 - Franse dramaturg, joernalis en uitgesproke feminis Olympe de Gouges word per guillotine tereggestel vir haar revolusionêre idees.

1838 The Bombay Times and Journal of Commerce word gestig. Word later herdoop na The Times of India

Johan Rudolf Thorbecke

1848 - 'n Veranderde grondwet vir die Nederlande word geproklameer. Dit is deur Johan Rudolf Thorbecke opgestel en perk die magte van die Nederlandse koningshuis sterk in.
1868 - Ulysses Grant word verkies tot die eerste van sy twee termyne as die president van die V.S.A.
1896 - William McKinley word verkies tot president van die V.S.A.
1903 - Met aansporing deur die Verenigde State, verklaar Panama homself onafhanklik van Kolombië. Die V.S.A. se destydse president Theodore Roosevelt wou hê dat die V.S.A. die Panama kanaal bou maar Kolombië was daarteen gekant.
1908 - William Howard Taft word tot die president van die V.S.A. verkies.
1911 - Chevrolet betree die motorvoertuig mark om met die Ford Model T mee te ding.
1918 - Eerste Wêreldoorlog: Oostenryk-Hongarye sluit 'n wapenstilstand ooreenkoms met die Geallieerdes.
1918 - Pole verklaar onafhanklikheid van Rusland.
1923 - Lady Louise Mountbatten trou met Gustav, Kroonprins van Swede
1935 - George II van Griekeland kry sy troon terug.
1936 - Franklin Roosevelt word herkies tot 'n tweede termyn.
1942 - Tweede Wêreldoorlog: Tweede Slag van El Alamein eindig - Die Duitse magte onder bevel van Erwin Rommel word geforseer om gedurende die nag te onttrek .
1954 - Die eerste van die Godzilla rolprentreeks word vrygestel in Japan.
1955 - Debuut van die muskiekblyspel Guys and Dolls, met Marlon Brando en Frank Sinatra in die hoofrolle.
1956 - The Wizard of Oz word vir die eerste keer op televisie uitgesaai (in die V.S.A.) met 'n geraamde kykertal van ongeveer 45 miljoen.

Beeld:Laika-in-sputnik2.jpg
Laika in Spoetnik 2

1957 - Sputnik program: Die Sowjet-Unie lanseer Sputnik 2. Aan boord is die eerste dier in die ruimte - 'n hond genaamd Laika.
1964 - Die ampsbekleder van die Amerikaanse presidentskap Lyndon Johnson word weer verkies tot president met meer as 60 persent steun van die kiesers.
1967 - Viëtnam oorlog: Die Slag van Dak To begin - rondom Dak To (ongeveer 450 kilometer noord van Saigon geleë, naby die grens van Kambodja) beide kante ly swaar verliese maar die V.S.A. "wen" die slag net-net op die 22^ste November.
1970 - Salvador Allende word ingehuldig as president van Chili.
1971 - Die UNIX Programmers Manual word gepubliseer.
1973 - Mariner program: NASA lanseer Mariner 10 na Mercurius (op 29 Maart, 1974 word dit die eerste ruimtevaartuig om daardie planeet te bereik).
1978 - Dominica verkry onafhanklikheid van die Verenigde Koninkryk van Brittanje.
1979 - In Greensboro, Noord-Carolina, word vyf lede van die Kommunistiese Werkersparty doodgeskiet en sewe gewond deur 'n groep Ku Klux Klan lede en neo-Nazis gedurende 'n saamtrek.
1986 - Iran-Contra Aangeleentheid: Die Libanese tydskrif Ash-Shiraa berig dat die V.S.A. wapens aan Iran verkoop in die geheim verkoop het in 'n poging om die vrylating van sewe Amerikaanse gyselaars wat deur pro-Iraanse groepe in Libanon aangehou is, te verseker.
1992 - Bill Clinton verslaan die ampsbekleder George H.W. Bush in die amerikaanse presidentsverkiesing.
1994 - Red Hat Linux 1.0 word vrygestel.
1998 - Voormalige professionele rofstoeier, Jesse Ventura word verkies tot Goewerneur van Minnesota in die V.S.A.