1 Tessalonisense

in Wikipedia, die vrye ensiklopedie

1 Tessalonisense is die 13de boek in die Nuwe Testament van die Bybel. Hierdie boek is 'n brief wat gerig is aan 'n jong gemeente wat deur Paulus gestig is in Tessalonika, die hoofstad van die Romeinse provinsie Masedonië. Nadat Timoteus gunstig berig het oor die gemeente, skryf Paulus om God te dank vir hulle standvastigheid in geloof, liefde en hoop. Verder beantwoord hy vrae wat opgeduik het oor die wederkoms van die Here. Die gemeente het 'n spoedige wederkoms verwag, maar nou dat dit uitbly, ontstaan vrae soos: Wanneer kom die Here?, Sal gelowiges wat voor die wederkoms te sterwe kom, deel hê aan die wederkoms? Die gemeente word verseker dat die Here sal kom en dat al die gelowiges dan saam met Hom sal lewe. God verwag ondertussen van die gelowiges dat hulle hulle werk met blydskap moet doen.

Bron[wysig | wysig bron]