Bosoordeelboom

Bosoordeelboom
Wetenskaplike klassifikasie
Koninkryk:	Plantae
(geen rang):	Angiosperms
(geen rang):	Eudicots
(geen rang):	Rosids
Orde:	Fabales
Familie:	Fabaceae
Genus:	Erythrophleum
Spesie:	E. suaveolens
Binomiale naam
	Erythrophleum suaveolens; (Guill. & Perr.) Brenan, (1960)
Sinonieme
	Afzelia grandis Baumann & J.Baumann ex Kachl.; Erythrophleum guineense G.Don; Erythrophleum judiciale Proctor; Erythrophleum ordale Bolle; Fillaea suaveolens Guill. & Perr.; Mavia judicia Walp.; Mavia judicialis G.Bertol.;

Die bosoordeelboom (Erythrophleum suaveolens) is 'n middelgroot tot groot boom. Die spesie is 'n middelgroot boom wat 25 – 30 m hoog kan word en dikwels lae vertakkings het. Die bas het fyn skeurtjies en is grys van kleur. Dit het afwisselende blare; die blaarsteel en -spil kan 35 cm lank word. Die bloeiwyse is 'n okselstandige pluim met piekagtige trosse wat 12 cm lank kan word. Die vrug is 'n plat met 'n effens geboë peul. 5-17 cm x 3-5 cm.^[1]

Die bas word dikwels vir medisinale doeleindes gebruik en is in die laat 19de eeu ook na Europa uitgevoer waar dit teen hartsiektes gebruik is. Later is dit deur digitoksien vervang. Die hout van die boom is hard, swaar en duursaam. Die hout se kern is geelbruin of rooibruin en het 'n digtheid van 900 kg/m³ met 'n voggehalte van 12%. Die hout word baie stadig droog en kan vervorm en 5 – 8 % krimp in verskeie rigtings. Wanneer dit droog is, is dit taamlik stabiel. Die hout is moeilik om te saag, maar die hout is bestand teen swamme, termiete en houtboorders.^[1]

Verspreiding

Die boom kom in Benin, Burkina Faso, Demokratiese Republiek die Kongo, Gaboen, Gambië, Ghana, Guinee, Guinee-Bissau, Ivoorkus, Kameroen, Kenia, Liberië, Malawi, Mali, Mosambiek, Nigerië, Republiek die Kongo, Senegal, Sentraal-Afrikaanse Republiek, Sierra Leone, Soedan, Tsjad, Tanzanië, Togo, Uganda, Zambië en Zimbabwe voor.

Dit word langs riviere en in tropiese woude in die Benede-Zambezivallei aangetref. Dit groei in vogtige halfbladwisselende woude, galerybosse en bosveld van seevlak tot 1 100 m hoog. Dit is afwesig in immergroenwoude.^[1]

Sien ook

Verwysings

↑ ^1,0 ^1,1 ^1,2 Timbers 2Lemmens, R.H.M.J., Louppe, D. & Oteng-Amoako, A.A., PROTA, ISBN 9290814950, ISBN 9789290814955, bls. 342ff

Bronne

Watter Boom is dit? Eugene Moll 2013 ISBN 978 1 77007 832 1
Plants of the World Online

[timbers-1] 1,0 ^1,1 ^1,2 Timbers 2Lemmens, R.H.M.J., Louppe, D. & Oteng-Amoako, A.A., PROTA, ISBN 9290814950, ISBN 9789290814955, bls. 342ff

[1]