Bosveldboekenhout

Bosveldboekenhoutboom
Bewaringstatus
Veilig  (IUCN 3.1)
Wetenskaplike klassifikasie
Koninkryk:	Plantae
(geen rang):	Angiosperms
(geen rang):	Eudicots
Orde:	Proteales
Familie:	Proteaceae
Genus:	Faurea
Spesie:	F. saligna
Binomiale naam
Faurea saligna Harv., (1847)
Sinonieme
Faurea gilletii De Wild. Faurea saligna var. gilletii (De Wild.) Hauman Faurea saligna subsp. xanthoneura Merxm. Faurea usambarensis Engl.

Die Bosveldboekenhout (Faurea saligna) is 'n boom wat inheems is in Gauteng, KwaZulu-Natal, Limpopo, Mpumalanga en Noordwes. Buite Suid-Afrika is dit inheems in Angola, Botswana, Burundi, Demokratiese Republiek die Kongo, Eswatini, Kenia, Lesotho, Malawi, Mosambiek, Rwanda, Soedan, Tanzanië, Zambië en Zimbabwe.

In Limpopo groei dit teen rotsagtige hellings en langs rivieroewers in die ander twee provinsies. Die boom is klein tot middelgroot en lyk baie soos 'n bloekomboom. Die jong blare en blaarstele is pienk. Die blomme is groenerig tot romerig wit en ruik na heuning. Die blomme en vrugte word in dun katjies van omtrent 12 cm gedra. Die hout het 'n liggelerige rooi kleur met 'n pragtige kantagtige patroon. Die boom se FSA-nommer is 75.

Galery

• 
  Bas
• 
  Kleure in herfs.
• 
  Syagtige katjies met neute.

Sien ook

• Alfabetiese lys van Suid-Afrikaanse bome
• Genus FAUREA Harvey - Die Boekenhoutbome Geargiveer 10 Mei 2012 op Wayback Machine

Bronne

• Algemene gids tot BOME. Keith, Paul & Meg Coates Palgrave. 2000. ISBN 1-86872-527-8
• REDLIST Sanbi
• Plants of the World Online