Groothertog Wladimir Aleksandrowitsj van Rusland

in Wikipedia, die vrye ensiklopedie
Jump to navigation Jump to search
Hierdie naam is volgens die Oos-Slawiese gebruik; die patroniem is Aleksandrowitsj en die van is Romanof.
Wladimir Aleksandrowitsj
Groothertog
Grand Duke Vladimir Alexandrovich.jpg
Huis Romanof
Vader Aleksander II van Rusland
Moeder Prinses Marie van Hesse-Darmstadt
Gebore 22 April [O.S. 10 April] 1847,
Sint Petersburg, Russiese Ryk
Oorlede 17 Februarie [O.S. 4 Februarie] 1909,
Sint Petersburg
Eggenote Hertogin Marie van Mecklenburg-Schwerin
Kinders Aleksander
Kirill
Boris
Andrei
Jelena

Groothertog Wladimir Aleksandrowitsj (Russies: Влади́мир Александрович; 22 April [O.S. 10 April] 1847 – 17 Februarie [O.S. 4 Februarie] 1909) was ’n seun van keiser Aleksander II van Rusland, ’n broer van Aleksander III en ’n senior groothertog van die Huis van Romanof tydens die bewind van sy broerskind, Nikolaas II.

Lewe[wysig | wysig bron]

Wladimir het ’n militêre loopbaan gevolg en het belangrike militêre poste beklee tydens die bewind van die laaste drie Russiese keisers. Hy het kuns- en intellektuele belange nagejaag en was voorsitter van Akademie van Beeldende Kunste. Hy was ook beskermheer van verskeie kunstenaars en ’n borg van ballet.[1]

Tydens die bewind van sy pa, Aleksander II, is hy ’n adjudantgeneraal gemaak, asook ’n senator in 1868 en ’n lid van die Staatsraad in 1872. Onder sy broer Aleksander III het hy lid geword van die Ministersraad, bevelvoerder van die Keiserlike Wagkorps en militêre goewerneur van Sint Petersburg. Met Swart Sondag in 1905 tydens die bewind van sy broerskind Nikolaas II, het sy reputasie ’n knou gekry omdat hy militêre goewerneur was. In sy laaste jare het die kloof tussen sy familie en dié van Nikolaas II groter geword.[2] Hy is in 1909 ná ’n beroerte dood.

Wladimir Aleksandrowitsj se agterkleindogter, groothertogin Maria Wladimirowna, is een van die huidige aanspraakmakers op die troon van Rusland.

Verwysings[wysig | wysig bron]

  1. Perry, John en Pleshakov, Constantine; The Flight of the Romanovs, Basic Books, 1999, ISBN 0-465-02462-9
  2. Zeepvat, Charlott. Romanov Autumn: stories from the last century of Imperial Russia. Sutton Publishing, 2000. ISBN 9780750923378

Eksterne skakels[wysig | wysig bron]