Groothertog Andrei Wladimirowitsj van Rusland
Hierdie naam is volgens die Oos-Slawiese gebruik; die patroniem is Wladimirowitsj en die van is Romanof.
| Andrei Wladimirowitsj | |
|---|---|
| Groothertog | |
 | |
| Huis | Romanof |
| Vader | Groothertog Wladimir Aleksandrowitsj |
| Moeder | Marie van Mecklenburg-Schwerin |
| Gebore | 14 Mei 1879, Sint Petersburg, Russiese Ryk |
| Oorlede | 30 Oktober 1956 (op 77), Parys, Frankryk |
| Eggenote | Matilda Ksjessinskaja |
Groothertog Andrei Wladimirowitsj van Rusland (Russies: Андрей Владимирович; 14 Mei 1879 - 30 Oktober 1956) was die vierde seun van groothertog Wladimir Aleksandrowitsj van Rusland, die kleinseun van tsaar Aleksander II en ’n neef van Nikolaas II.
Lewe[wysig | wysig bron]
In 1900 het hy ’n verhouding met die beroemde ballerina Matilda Ksjessinskaja aangeknoop; hy was die derde groothertog wat voor haar geswig het.
Groothertog Andrei het ’n militêre loopbaan gevolg. Hy het tydens Nikolaas II se bewind verskeie militêre posisies beklee, maar sonder enige onderskeiding. Hy het in 1911 ’n senator geword en is in 1915 tot generaal-majoor in die Russiese weermag bevorder. Hy het aan die Eerste Wêreldoorlog deelgeneem, maar het sy tyd weg van enige gevegte of in Sint Petersburg deurgebring.
In Februarie 1917, kort voor die val van die Russiese Keiserryk, het groothertog Andrei by sy ma in die Kaukasus aangesluit. Hy het drie jaar daar gebly. Ná die Oktober-rewolusie is hy vir ’n kort ruk saam met sy broer groothertog Boris gearresteer, maar hulle het ontsnap. Hy het Rusland in Maart 1920 verlaat en was die laaste groothertog wat in bannelingskap gegaan het. In 1921 is hy met sy minnares van ’n lang tyd, Matilda Ksjessinskaja, getroud en het hy haar seun as syne erken. Die paartjie het in die suide van Frankryk gewoon tot in 1929, toe hulle Parys toe getrek het waar Ksjessinskaja ’n balletskool geopen het. Tot met sy dood op 77 was groothertog Andrei die laaste oorlewende Russiese groothertog wat in die Russiese Keiserryk gebore is.
Sien ook[wysig | wysig bron]
Eksterne skakels[wysig | wysig bron]
Wikimedia Commons het meer media in die kategorie Groothertog Andrei Wladimirowitsj van Rusland.
Hierdie artikel is in sy geheel of gedeeltelik uit die Engelse Wikipedia vertaal.
