Herbig Ae/Be-ster

in Wikipedia, die vrye ensiklopedie

’n Herbig Ae/Be-ster is ’n voor-hoofreeksster – die jongste sigbare vorm van sterre van spektraalklasse A en B.

Eienskappe[wysig | wysig bron]

Die sterre bevind hulle steeds in die omgewing van gas en stof waaruit hulle ontstaan het en word soms omring deur ’n protoplanetêre skyf. Waterstof- en kalsium-emissielyne kom in hul elektromagnetiese spektrum voor. Hulle het ’n massa van 2 tot 10 sonmassas en verbrand nog nie waterstof in hul kern nie – hulle is nog besig om in te stort om ’n hoofreeksster te word.

Die sterre is genoem na die Amerikaanse sterrekundige George Herbig, wat hulle in 1960 van ander sterre onderskei het. Soortgelyke sterre met ’n massa van kleiner as 2 sonmassas word T Tauri-sterre genoem.