Willowmore

in Wikipedia, die vrye ensiklopedie
Jump to navigation Jump to search
Willowmore
Willowmore
Willowmore
Willowmore is in Oos-Kaap
Willowmore
Willowmore
 Willowmore se ligging in Oos-Kaap
Koördinate: 33°17′S 23°29′O / 33.283°S 23.483°O / -33.283; 23.483Koördinate: 33°17′S 23°29′O / 33.283°S 23.483°O / -33.283; 23.483
LandVlag van Suid-Afrika Suid-Afrika
ProvinsieOos-Kaap
DistrikSarah Baartman
MunisipaliteitDr Beyers Naudé
Stigting1855
Oppervlak
 • Totaal21,74 km2 (8,39 vk. myl)
Bevolking
 (2011)[1]
 • Totaal7 678
 • Digtheid353/km2 (910/vk. m.)
Rasverdeling (2011)
 • Wit mense3.0%
 • Indiërs/Asiërs0.2%
 • Bruin mense86.3%
 • Swart mense10.0%
 • Ander0.6%
Taal (2011)
 • Afrikaans 94.6%
 • Xhosa 3.2%
 • Engels 1.2%
 • Ander 1.0%
Poskode (strate)
6445
Poskode (posbusse)
6445
Skakelkode044

Willowmore is 'n ouwêreldse Karoodorp aan die westelike grens van die Oos-Kaap. Die bevolking is sowat 7 700 en die dorp beskik oor heelwat ou geboue uit die Victoriaanse sowel as Eduardiaanse tydperk.

Geskiedenis[wysig | wysig bron]

Willowmore se stadsaal.

Die dorp het in 1864 ontstaan toe J.P. Aughanbough 'n gedeelte van die plaas The Willows by William Moore gekoop het. 'n Tennisbaan is op 'n deel van die grond gebou waar later 'n plaaslike sportklub ontstaan het. Ná die aankoop het Willowmore 'n handelsentrum geword. Die naam was eers Willow-Moore, maar dit is later vereenvoudig na Willowmore. Tien jaar nadat die tennisbaan gebou is, het 'n kerk en landdroskantoor gevolg. Nog tien jaar later, op 28 Februarie 1884, word Willowmore 'n munisipaliteit.

Infrastruktuur[wysig | wysig bron]

Die spoorlyn tussen Kaapstad en Port Elizabeth het die dorp in 1900 bereik. Willowmore lê ook aan 'n nasionale pad (N9) en die R329. Laasgenoemde gaan hiervandaan in 'n oostelike rigting en verbind Aberdeen met Steytlerville. Die N9 verbind George en Colesberg en loop ook oor Willowmore se buurdorpe, Aberdeen ten noorde en Uniondale ten suide, asook Middelburg en Graaff-Reinet.

Willowmore is die dienssentrum van 'n landboustreek waar geboer word met volstruise, skape, bokke, lusern, sitrus en tabak (laasgenoemde twee in die vrugbare Baviaanskloof).

Sien ook[wysig | wysig bron]

Verwysings[wysig | wysig bron]

  1. 1,0 1,1 1,2 1,3 "Hoofplek Willowmore". Sensus 2011.
  • Bulpin, T.V., 2001. Discovering Southern Africa. Cape Town: Discovering Southern Africa Publications cc.