Magnesiumoksied

Eienskappe

Algemeen
Naam	Magnesiumoksied
Struktuurformule van
Chemiese formule	MgO
Molêre massa	40,3 g/mol
CAS-nommer	1309-48-4
Voorkoms	Wit vaste stof
Fasegedrag
Selkonstantes	419 pm
Ruimtegroep	Fm3m
Strukturbericht	B1
Smeltpunt	2852 °C
Kookpunt	3600 °C
Digtheid	3,63 [g/cm3]
Oplosbaarheid	onoplosbaar
Suur-basis eienskappe
pKa
Veiligheid
Flitspunt	onbrandbaar
Tensy anders vermeld is alle data vir standaardtemperatuur en -druk toestande.
Portaal Chemie

Magnesiumoksied is 'n verbinding van magnesium en suurstof met formule MgO

Die stof is 'n diamagnetiese isolator. Die bandgaping is 4,43 eV.

Chemiese eienskappe

Magnesiumoksied word gevorm by verbranding van magnesium:

$2Mg(s)+O_{2}(g)\rightarrow 2MgO$

Hierdie verbrandingsreaksie is in die eerste helfte van die 20ste eeu dikwels gebruik as ligbron by die fotografie. Die rook van magnesiumoksied was nogtans 'n probleem.

Magnesiumoksied kan ook deur verhitting van magnesiumkarbonaat verkry word:

$MgCO_{3}(s)\xrightarrow {hitte} MgO(s)+CO_{2}\uparrow$

Hierdie reaksie is hoe magnesia, soos die oksied genoem word, ook uit dolomitiese kalksteen verkry word. Die terugreaksie kan ook optree. Dis die rede dat magnesiumoksied blootgestel aan die lug stadig koolstofdioksied opneem en in geslote houers bewaar moet word.

Met water word die amper onoplosbare hidroksied gevorm:

$H_{2}O(l)+MgO(s)\rightarrow Mg(OH)_{2}(s)$

Die pH van die versadigde oplossing in water is 10,3. Dit is oplosbaar in verdunde sure, maar onoplosbaar in alkohol en organiese oplosmiddels.

Aanwendings

In sport soos gewigoptel word magnesia gebruik om die hande rof te maak.

Magnesiumoksied word in die organiese chemie toegepas. Dit is 'n matig basiese reagens wat gebruik word in asilerings en alkielerings, oksidasies, reduksies. Dit fungeer ook as 'n soliede oppervlak om reaksies uit te voer, soos by ringopening van tersiêre amiene, nitrering van aromatiese asetale, hidrohalogenering, dehidrohalogenering en karbonilering van organokwikverbindings.