Paranthropus

Paranthropus; Tydperk: Plioseen-Pleistoseen, ; 2.7–1.2 m. jaar gelede PreЄ Є O S D C P T J K Pg N ↓
	Die skedel van Paranthropus boisei.
Wetenskaplike klassifikasie
Koninkryk:	Animalia
Filum:	Chordata
Klas:	Mammalia
Orde:	Primates
Familie:	Hominidae
Subfamilie:	Homininae
Tribus:	Hominini
Genus:	Paranthropus; (Robert Broom, 1938)
Spesies
	†Paranthropus aethiopicus; †Paranthropus boisei; †Paranthropus robustus

Paranthropus (van die Griekse παρα, para "neffens"; άνθρωπος, ántropos "mens"), is ’n genus van uitgestorwe hominiene. Hulle was tweevoetige hominiede wat waarskynlik sowat 2,7 miljoen jaar gelede afgestam het van Australopithecus.^[1]

Lede van die genus word gekenmerk deur hul robuuste of sterk kraniodentale anatomie, insluitende ’n gorilla-agtige sagittale kam en breë tande.

’n Deel van ’n kopbeen van Paranthropus robustus is in 1938 deur ’n skoolseun, Gert Terblanche, gevind by Kromdraai, 70 km suidwes van Pretoria, Suid-Afrika. Robert Broom van die destydse Transvaal Museum het dit as ’n nuwe spesie beskryf.

Paranthropus boisei is in 1959 deur die Britse paleoantropoloog Mary Leakey ontdek by Olduvai-kloof in Tanzanië.

In 1967 is die eerste fossiel van Australopithecus aethiopicus in Ethiopië ontdek deur die Franse argeoloë Camille Arambourg en Yves Coppens.

Beskrywing en voorkoms

Paranthropus het sowat 2,7 miljoen jaar gelede sy verskyning gemaak. Al die spesies het op twee voete geloop en geleef in die tyd toe spesies van die genus Homo (wat moontlik van Australopithecus afgestam het) algemeen voorgekom het.

Die meeste spesies van Paranthropus se brein was omtrent 40 persent van dié van die moderne mens. Daar was verskille tussen die spesies, maar die algemene lengte was sowat 1,3-1,4 m en hulle was sterk gespierd.

Die meeste Australopithecus-spesies het óf uit die fossielrekord verdwyn voor die verskyning van die vroeë mense óf hulle was die voorsate van Homo habilis, maar P. boisei en P. aethiopicus het langs ’n ander lyn ontwikkel en ’n pad apart van dié van die mens gevolg. Paranthropus het in dieselfde tyd voorgekom as die vroeë Homo-genusse soos H. habilis, H. ergaster en moontlik selfs H. erectus.^[2]

Spesies

Verwysings

↑ Dawkins, Richard (2004). The Ancestor's Tale: A Pilgrimage To the Dawn of Life. London: Weidenfeld & Nicolson. p. 77. ISBN 0-297-82503-8.
↑ Wood, B. & Strait, D. (2004). "Patterns of resource use in early Homo and Paranthropus". Journal of Human Evolution. 46 (2): 119–162. doi:10.1016/j.jhevol.2003.11.004. PMID 14871560.{{cite journal}}: AS1-onderhoud: meer as een naam (link)

Eksterne skakels

"Hominidae". Mikko's Phylogeny Archive. Geargiveer vanaf die oorspronklike op 10 Januarie 2008. Besoek op 12 Maart 2014.
"Early Human Phylogeny". Smithsonian-instituut.
"Paranthropus". Human Evolution—A Look At Our Ancestors. Humboldt-staatsuniversiteit. Geargiveer vanaf die oorspronklike op 14 April 2001. Besoek op 12 Maart 2014.
"What Killed Paranthropus?" (Abstract). New Scientist (2434). 14 Februarie 2004.
Wikimedia Commons het meer media in die kategorie Paranthropus.
Wikispecies het meer inligting verwant aan Paranthropus

[Dawkins2004-1] Dawkins, Richard (2004). The Ancestor's Tale: A Pilgrimage To the Dawn of Life. London: Weidenfeld & Nicolson. p. 77. ISBN 0-297-82503-8.

[Wood-2] Wood, B. & Strait, D. (2004). "Patterns of resource use in early Homo and Paranthropus". Journal of Human Evolution. 46 (2): 119–162. doi:10.1016/j.jhevol.2003.11.004. PMID 14871560.{{cite journal}}: AS1-onderhoud: meer as een naam (link)

[1]

[2]