Homo antecessor

in Wikipedia, die vrye ensiklopedie
Spring na: navigasie, soek
Homo antecessor
Tydperk: Vroeë Pleistoseen,
0.8–1.2 m. jaar gelede
Wetenskaplike klassifikasie
Koninkryk: Animalia
Filum: Chordata
Klas: Mammalia
Orde: Primates
Familie: Hominidae
Subfamilie: Homininae
Tribus: Hominini
Genus: Homo
Spesie: H. antecessor
Binomiale naam
Homo antecessor
(J.M. Bermudez de Castro et al., 1997)

Homo antecessor is ’n uitgestorwe Homo-spesie (of -subspesie) wat sowat 800 000 tot 1,2 miljoen jaar gelede geleef het. Dit is een van die vroegste bekende menslike spesies in Europa. Die fossiele is deur Eudald Carbonell, Juan Luis Arsuaga en J.M. Bermúdez de Castro ontdek.

Argeoloë en antropoloë verskil oor die verband tussen H. antecessor en ander Homo-spesies in Europa. Een mening is dat dit ’n oorgang is tussen H. ergaster en H. heidelbergensis, maar Richard Klein dink dit is ’n aparte spesie wat uit H. ergaster ontstaan het.[1] Sommige wetenskaplikes beskou dit as dieselfde spesies as H. heidelbergensis, wat tussen 250 000 en 600 000 jaar gelede tydens die Pleistoseen in Europa geleef het.

Die bes bewaarde fossiel is die bokaak van ’n 10-jarige wat in Spanje ontdek is. Die gemiddelde breingrootte was 1 000 cm3. In 1994 en 1995 is 80 fossiele van nog ses individue in Spanje gevind. Op die terreine is verskeie tekens gevind dat die vleis van die bene afgesny is, wat daarop dui dat H. antecessor dalk kannibale was.[2]

Voetspore wat vermoedelik dié van H. antecessor is en meer as 800 000 jaar oud is, is aan die kus van Norfolk, Engeland, gevind.[3][4][5][6]

Verwysings[wysig | wysig bron]

  1. Klein, Richard. 2009. "Hominin Disperals in the Old World" in The Human Past, ed. Chris Scarre, 2de uitg., bl. 108.
  2. Fernández-Jalvo, Y.; Díez, J. C.; Cáceres, I. and Rosell, J. (September 1999). “Human cannibalism in the Early Pleistocene of Europe (Gran Dolina, Sierra de Atapuerca, Burgos, Spain)”. Journal of Human Evolution 37 (34): 591–622. DOI:10.1006/jhev.1999.0324.
  3. Lawless, Jill, "Scientists find 800,000-year-old footprints in UK", AP News, 7 Februarie 2014. URL besoek op 7 Februarie 2014.
  4. Ghosh, Pallab, "Earliest footprints outside Africa discovered in Norfolk", BBC, 7 Februarie 2014. URL besoek op 7 Februarie 2014.
  5. Ashton N, Lewis SG, De Groote I, Duffy SM, Bates M, et al. (2014)Hominin Footprints from Early Pleistocene Deposits at Happisburgh, UK. PLoS ONE 9(2): e88329. doi:10.1371/journal.pone.0088329
  6. Ashton, Nicholas (7 Februarie 2014). “The earliest human footprints outside Africa”. British Museum. URL besoek op 2014-02-07.

External links[wysig | wysig bron]