Homo floresiensis

in Wikipedia, die vrye ensiklopedie
Jump to navigation Jump to search

Homo floresiensis
Tydperk: 94–13 Ka
Skedel met onderkaak.
’n Model van Homo floresiensis se skedel, American Museum of Natural History.
Wetenskaplike klassifikasie
Koninkryk:
Filum:
Klas:
Orde:
Familie:
Genus:
Spesie:
H. floresiensis
Binomiale naam
Homo floresiensis
(Brown et al., 2004)

Homo floresiensis is ’n uitgestorwe spesie van die genus Homo. Die oorblyfsels van ’n individu wat sowat 0,9 m lank was, is in 2003 in Indonesië ontdek. Die gedeeltelike skelette van altesaam nege individue is gevind, insluitende ’n volledige kopbeen.[1][2]

Intensiewe navorsing is gedoen om te bepaal of die fossiele verteenwoordigend is van ’n aparte spesie as Homo sapiens. Die hominien is merkwaardig omdat dit ’n klein liggaam en brein gehad het, asook omdat dit tot redelik onlangs (moontlik 12 000 jaar gelede nog) geleef het.[3] Saam met die bene is steengereedskap ontdek wat wissel tussen 94 000 en 13 000 jaar oud.

H. floresiensis is ’n voorbeeld van ’n onlangse Homo-spesie met eienskappe wat nie in die moderne mens voorkom nie. Dit lyk of hulle ’n gemeenskaplike voorsaat met die mens gedeel het, maar van die menslike linie geskei en hul eie evolusiepad gevolg het. Sommige wetenskaplikes meen egter H. floresiensis is ’n moderne H. sapiens met patologiese dwergisme.[4]

Verwysings[wysig | wysig bron]

  1. Brown et al. 2004
  2. Morwood, Brown et al. 2005
  3. Morwood, Soejono et al. 2004
  4. Martin RD, Maclarnon AM, Phillips JL, Dobyns WB (2006). “Flores hominid: new species or microcephalic dwarf?”. The anatomical record. Part A, Discoveries in molecular, cellular, and evolutionary biology 288 (11): 1123–45. doi:10.1002/ar.a.20389.

Eksterne skakels[wysig | wysig bron]