William Walton

William Walton in 1937

Sir William Turner Walton, OM (29 Maart 1902 – 8 Maart 1983) was 'n Engelse komponis. Gedurende sy loopbaan van sestig jaar het hy musiek in verskeie klassieke genres en style geskryf; van musiek vir rolprente tot opera.

Sy mees bekendste werke sluit Façade, die kantate Belshazzar se Fees, die Concerto vir Altviool, die 1ste Simfonie, en die Britse koronasie liedere Crown Imperial en Orb en Septer in.

Hy is gebore in Oldham, Lancashire. As die seun van 'n musikant was Walton 'n koormusikant en daarna 'n voorgraadse student by Christ Church, Oxford. Toe hy die universiteit verlaat het, het die literêre Sitwell broers en susters hom voorsien van 'n huis en 'n kulturele opvoeding.

Sy vroegste werk van statuur was 'n samewerking met Edith Sitwell, Façade, wat hom berugtheid besorg het as 'n modernisModernisme, maar wat later 'n populêre balletstuk geword het.

In sy middeljare het Walton Groot-Brittanje verlaat en op die ItaliaanseItalie eiland van Ischia gewoon saam met sy jong gade Susana. Teen die tyd was hy nie meer beskou as 'n modernis nie, en sommige van sy werke van die 1950's was gekritiseer as oudmodies.

Sy vollengte-opera Troilus en Cressida was van die werke wat as oudmodies gesien was, en het min impak op operahuise gehad. In sy laaste jare het sy werke weer in kritiese mode geword, en sy latere werke wat deur kritici verwerp was tydens hul eerste vertonings, is gerevalueer en gewaardeer langs sy vroeëre werke.

Walton was 'n stadige werker en 'n perfeksionis, en dus is die totale omvang van sy werk nie groot nie. Sy mees populêre werke word nog steeds gereeld uitgevoer in die 21ste eeu, en teen 2010 was al sy werke op CD vrygestel.

Notas

Hierdie artikel is in sy geheel of gedeeltelik vanuit die Engelse Wikipedia vertaal.