Pous Urbanus VII

Pous Urbanus VII
Pous Urbanus VII
Geboortenaam	Giovanni Battista Catagna
Pontifikaat begin	15 September 1590
Pontifikaat eindig	27 September 1590
Voorganger	Sixtus V
Opvolger	Gregorius XIV
Gebore	4 Augustus 1521; Rome, Italië
Sterf	27 September 1590; Rome, Italië
	Ander pouse genaamd Urbanus

Urbanus VII was die 228ste pous van die Rooms-Katolieke Kerk vir slegs 12 dae (of 13 as 'n mens die eerste en laaste dag beide tel) van 15 September tot 27 September 1590. Dit is die kortste pontifikaat ooit as die van Pous Stefanus (II) nie getel word nie.

[wysig] Biografie

Pous Urbanus VII ^[1]is gebore as Giovanni Battista Catagna (sy naam word ook gespel as Giambattista) op 4 Augustus 1521 in Rome, Italie. Hy was die seun van die Genuees Cosimo Castagna en sy Romeinse vrou Costanza Ricci Giacobazzi. Kardinaal Giacobazzi was sy oom aan moederskant. Op 1 Maart 1553 benoem Pous Julius III hom tot aartsbiskop van Rossano voordat hy eers priester was. Hy word as priester gewy op 30 Maart 1553 en op 4 April 1553 as biskop gewy. Op 14 Junie 1555 benoem Pous Julius III hom tot goewerneur van Fano en Pous Paulus IV maak hom op 6 Maart 1559 ook goewerneur van Perugia en Umbrië. In 1565 word hy pouslike nuntius aan die hof van koning Philip II van Spanje. In 1573 keer hy na Rome terug, maar word dieselfde jaar op 15 Junie 1573 as nuntius na Venesië gestuur. In 1578 stuur Pous Gregorius XIII hom na Keulen. Op 12 Desember 1583 benoem Pos Gregorius XIII hom tot kardinaal. Op 8 Oktober 1584 word hy pouslike legaat na Bologna. Tydens die pontifikaat van Pous Sixtus V kry hy veel invloed en op 19 November 1586 word hy hoofinkwisiteur van die Heilige Offisie. Op 15 September 1590 volg hy Pous Sixtus V op en regeer tot sy dood aan malaria op 27 September 1590. Hy word opgevolg deur Pous Gregorius XIV. Die naam ‘Urbanus’ beteken 'beskaafde'.

[wysig] Pontifikaat

Ondanks sy baie kort bewind, word Pous Urbanus VII^[2] onthou vir sy verbod op die gebruik van tabak (sowel rook, pruim of snuif) in enige kerk. Oortreding sou strafbaar wees met ekskommunikasie. Hy het ook die titel "Eminensie" vir kardinale ingevoer. Pous Urbanus het sy private vermoë nagelaat aan 'n stigting wat bruidskatte vir arm meisies gegee het.

[wysig] Bibliografie

Duff, Eamon (2001). Saints and Sinners: A History of the Popes, Yale University Press. ISBN 0300091656.
Maxwell-Stuart, P. G. (2002). Chronicle of the Popes: The Reign-by-Reign Record of the Papacy from St. Peter to the Present, Thames & Hudson. ISBN 0500017980.

[wysig] Verwysings

^ Urban VII. (2008). Encyclopædia Britannica. Deluxe Edition. Chicago: Encyclopædia Britannica.
^ Ott, M. (1912). Pope Urban VII. In The Catholic Encyclopedia. New York: Robert Appleton Company. Besoek op April 17, 2010 by: http://www.newadvent.org/cathen/15218a.htm

[wysig] Eksterne skakels

CE Inskrywing in die Catholic Encyclopedia (Engels)

CF Inskrywing in die Catholic Forum (Engels)

BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
PTA Inskrywing in "Popes through the Ages" deur J. Brusher S.J. (Engels)