Bultfontein
| Bultfontein | |
.svg)  Bultfontein
|
|
| Koördinate: | |
|---|---|
| Land |  Suid-Afrika |
| Provinsie | Vrystaat |
| Distriksmunisipaliteit | Lejweleputswa |
| Plaaslike Munisipaliteit | Tswelopele |
| Stigting | 1874 |
| Bevolking | |
| - Stad | ~1 000 |
| Tydsone | SAST (UTC+2) |
Bultfontein is 'n dorp in die provinsie Vrystaat (Suid-Afrika), 97 kilometer noord van Bloemfontein.
Inhoud |
[wysig] Geskiedenis
Die dorp is in 1874 gestig. Die dorp het sy ontstaan te danke aan 'n sterk fontein, wat op die bult ontspring het. Dit was eers deel van die plaas Kameeldorings. Boesmans, Voortrekkers en wilde diere het by die bron kom water drink.
Bultfontein se fontein-area is omskep in 'n park genaamd Parabaai. Die park het sy ontstaan te danke gehad aan ene Gerrit Viljoen (1893-1968), wie se idee dit was om die park te ontwikkel en te stig.
Bultfontein is ryk aan geskiedenis, naamlik: Die Tweede Vryheidsoorlog, vliegveld en die Boesmans. In die dorp se ou begraafplaas is Engelse soldate begrawe, wat tydens die oorlog gesneuwel het. Die vliegveld is deur D.J. Viljoen, seun van Gerrit Viljoen, en ander vennote soos Sannie Bekker ontwikkel. Bultfontein beskik oor groot neerslae goud en diamante. Myne sou op die dorp gestig word, maar het nooit 'n werklikheid geword nie.
Die plaas Bultfontein het eers aan Andrew Murray behoort, voor dit 'n dorp geword het. Bultfontein het 'n bevolking van sowat duisend inwoners en maak deel uit van die munisipaliteit Tswelopele.
[wysig] Distrik
Die distrik is 3 000km2 groot. Mielies is die belangrikste gewas wat in die distrik gekweek word terwyl sonneblomme, graan en grondbone ook verbou word. Trofeejag is ook van belang in die distrik.
[wysig] Boorlinge van Bultfontein
- Johannes Gouws, Tweede Wêreldoorlog vlieënier.
