Welkom

Welkom
Die Oryx-goudmyn naby Welkom, Suid-Afrika
Welkom
Koördinate: 27°58′″S 26°44′″O
Land	Suid-Afrika
Provinsie	Vrystaat
Distriksmunisipaliteit	Lejweleputswa
Plaaslike Munisipaliteit	Matjhabeng
Stigting	1947
Bevolking (2001)
- Stad	408 173
Poskode	9459 (Straat) 9460 (Posbus)
Skakelkode(s)	057

Welkom is 'n jong stad in die noordelike deel van die Vrystaat, 250 km suid van Johannesburg en 11km suid van Odendaalsrus op die Vrystaatse Goudvelde.

Geskiedenis

Die stad is in 1947 op die plaas Welkom uitgelê. Dit het in 1961 'n munisipaliteit geword en op 14 Februarie 1968 'n stad. Die stad is ontwikkel deur William Backhouse, 'n stads- en streekbeplanningskonsultant vir Anglo American Corporation. Die dorp is ontwikkel om as 'n modeldorp te dien vir die werkers van die goudmyne van die streek.'n Kenmerk van die stad is dat verkeersligte en stopstrate grootliks uitgeskakel is deur die die gebruik van verkeerssirkels. Die woongebied Thabong Welkom is opgerig om swart werknemers te huisves. Daar is 'n teorie dat die goudmyne eers Odendaalsrus genader het vir verdere ontwikkeling, maar nadat onderhandelinge afgebreek het, is Welkom ontwikkel.

Goudmyne

Die St. Helena-goudmyn is in Oktober 1951 in bedryf gestel. Ander myne in bedryf gestel was St.Helena, Welkom, Western Holdings, Free State Geduld, President Brand, President Steyn en Erfdeel-Dankbaarheid. Die myne is geweldig diep en groot hoeveelhede water word na die oppervlakte gepomp in panne. Dit het die voëllewe gestimuleer. Die Theronpan binne die munisipale gebied is as 'n park ontwikkel. Van die mynwater word ontsout en vir huishoudelike doeleindes gebruik.

Distrik

Die distrik is 557km² groot en in 1954 geproklameer. Mielies en suiwel is die belangrikste landbouprodukte. Die munisipaliteit van Matjhabeng/Welkom het 408 000 inwoners (2001).

Bekende persone gebore in Welkom

• CJ van der Linde - 1980, Springbokrugbyspeler.

Bronne

• Ensiklopedie van Suidelike Afrika. Eric Rosenthal. 1967.
• Op pad in Suid-Afrika. BPJ Erasmus. 1995. ISBN 1-86842-026-4

50 grootste stede in Suid-Afrika (volgens bevolking)

Johannesburg · Durban · Kaapstad · Oos-Rand · Pretoria · Port Elizabeth · Oos-Londen · Vereeniging · Bloemfontein · Thohoyandou · Pietermaritzburg · Pietersburg · Bosbokrand · Louis Trichardt · Nelspruit · Mthatha · Welkom · Rustenburg · Mount Ayliff · Groter Tzaneen · Qwa-Qwa · Klerksdorp · Brits · Nkomazi · Newcastle · Potgietersrus · Krugersdorp · Richardsbaai · Butterworth · Libode · Witbank · Burgersfort · Ngwaritsi · Mafikeng · KwaMhlanga · Flagstaff · Idutywa · Bizana · Mdutjana · Groter Giyani · Mogwase · Lebowakgomo · Ladysmith · Highveld Ridge · Eshowe · Groblersdal · Duiwelskloof · Port Shepstone · Ulundi · Carletonville