Hoopstad

in Wikipedia, die vrye ensiklopedie
Spring na: navigasie, soek
Hoopstad
Ligging van Hoopstad op 'n kaart (Vrystaat)
Hoopstad
Hoopstad
Ligging van Hoopstad op 'n kaart (Suid-Afrika)
Hoopstad
Hoopstad
Koördinate: 27°50′0″S 25°55′0″O Koördinate: 27°50′0″S 25°55′0″O
Land Vlag van Suid-Afrika Suid-Afrika
Provinsie Vrystaat
Distriksmunisipaliteit Lejweleputswa
Plaaslike Munisipaliteit Tswelopele
Stigting 1874
Oppervlak
 - Dorp en lokasie 30,2 km²  (11,7 vk m)
Bevolking (2011)
 - Dorp en lokasie 16 033
 - Digtheid 530/km² (1 372,7/myl2)
Tydsone SAST (UTC+2)
Poskode 9479
Skakelkode(s) 053
Hierdie artikel handel oor die dorp "Hoopstad", in die Vrystaat. Sien asseblief Hopetown vir die gelyknamige dorp in die Noord-Kaap.

Hoopstad is 'n dorpie aan die Vetrivier in die provinsie Vrystaat, sowat 31 km suidwes van die rivier se samevloeiing met die Vaalrivier en 90 km wes van Welkom. Die dorp bedien 'n boerderystreek waarin met Afrikanerbeeste en saaigewasse, veral mielies, koring en grondbone, geboer word. Daar is ook een nywerheidsgebied naasliggend tot die nasionale pad na die Goudveld en Bloemfontein. Die NG kerkgebou is 'n nasionale gedenkwaardigheid. Daar is 'n buiteklub wat voorsiening maak vir allerlei sportsoorte, asook ander geriewe vir rugby, tennis, swem en atletiek. Voor die nuwe munisipale bedeling in werking getree het, was die munisipale gebied 2 962 hektaar groot. Hoopstad en die lokasie Tikwana se bevolking was saam 16 033 in 2011 gewees [1].

Geskiedenis[wysig]

Dit is vernoem na die landmeter wat die dorp opgemeet het, A.P. Haupt, en gestig op 1 Junie 1874 op die plaas Kameeldoorns, wat deur die Oranje-Vrystaatse Volksraad vir dié doel aangekoop is. Die dorp verkry munisipale status in 1905. Hoopstad het eers as Hauptstad bekend gestaan. Die naam is later verander, omdat Hauptstad letterlik hoofstad beteken, en dit dus afbreuk aan Bloemfontein se status as republikeinse hoofstad gedoen het. Daarom word die dorp toe stad van hoop. Die NG gemeente is in 1876 afgestig en die lidmaattalle bly redelik konstant vir 'n plattelandse dorpe: in 1979 was dit 840 en meer as 'n kwarteeu later in 2006 nog 764.

Eksterne skakels[wysig]

Sien ook[wysig]

Bronne[wysig]

  • Raper, P.E., Dictionary of South African Place Names, Lowry Publishers, Johannesburg, 1987.
  • Scannell, J.P., Die Afrikaanse Kernensiklopedie, Nasionale Boekhandel Beperk, Kaapstad (et. al.), 1965.
  • Kelly, Maureen, Amptelike Suid-Afrikaanse Munisipale Jaarboek, HELM Publikasies, Johannesburg, 1986.
  1. Som van die hoofplekke Hoopstad en Tikwana tydens die 2011-Sensus