Andrew Murray
| Dr. Andrew Murray | |
 |
|
|
Andrew Murray
|
|
|
|
|
| Naam | Andrew Murray |
|---|---|
| Geboorte | 9 Mei 1828 Graaff-Reinet, Kaapkolonie |
| Sterfte | 18 Januarie 1917 Wellington, Kaapprovinsie |
| Kerkverband | Nederduits Gereformeerd |
| Gemeente(s) | Bloemfontein, Worcester, Kaapstad, Wellington |
| Jare aktief | 1847-1910 |
| Kweekskool | Kweekskool, Stellenbosch |
Dr. Andrew Murray (9 Mei 1828 op Graaff-Reinet in die Oos-Kaap - 18 Januarie 1917 op Wellington, Wes-Kaap) was 'n seun van ds. Andrew Murray sr., een van die eerste Skotse predikante in die NG Kerk, en een van die voorste godsdienstige skrywers wat Suid-Afrika opgelewer het.
Saam met sy broer, John, is hy op vroeë leeftyd Skotland toe om in die teologie te studeer. Hy ontvang in 1845 op 17 sy graad van die Universiteit van Aberdeen en keer na verdere studie terug na Suid-Afrika en word in 1849 predikant van die NG gemeente Bloemfontein, die sogenaamde Tweetoringkerk. Hy was lank feitlik die enigste predikant van die Hollandse kerke in die Vrystaat, maar bou doeltreffende kerkorganisasie op om die hele Republiek te dek, selfs ook tot in die latere Transvaal. Elf jaar later (1860) aanvaar hy 'n beroep na Worcester. Murray skryf 'n reeks boeke na aanleiding van sy betrokkenheid by 'n vurige teologiese polemiek oor beweerde liberale neigings van di. A.J. Kotze en T.F. Burgers. Hy verhuis ná enkele jare in Kaapstad in 1871 na die Bolandse dorp Wellington, waar hy steeds 'n leidende rol in kerksake speel as leraar van die NG gemeente Wellington, onder meer as moderator, en steun verleen aan die stigting van die destydse Hugenote-Kweekskool. As skrywer het hy 'n groot leserspubliek gehad, veral in Engeland en die Verenigde State, waar Engelse vertalings van sy boeke nou nog verkoop word. Hy sterf in 1917, op byna 90-jarige ouderdom.
Daar is onder meer 'n standbeeld van hom voor NG kerk op Wellington en die Groote Kerk opgerig. Talle Engelssprekende gemeentes van die NG Kerk dra vandag sy naam, byvoorbeeld Andrew Murray-gemeente Bloemfontein en Edenvale, die tweetalige Johannesburg-Noord/Andrew Murray Congregation asook Engelse of andertalige wyke in Afrikaanse NG gemeentes soos in Pretoria en Windhoek.
Eksterne skakels [wysig]
- Uit die Geskiedenis van die NG Kerk en Ds Andrew Murray's Die moderne Teologie in die Tasmaniese studeerkamer van Dr. B.A. Zuiddam.
