Gariepdam

in Wikipedia, die vrye ensiklopedie
Spring na: navigasie, soek
Gariepdam
Die Gariepdamwal
Die Gariepdamwal
Amptelike naam Gariepdam
Land Suid-Afrika
Ligging Vrystaat, Oos-Kaap
Koördinate 30°37′25.43″S 25°30′23.81″O Koördinate: 30°37′25.43″S 25°30′23.81″O
Doel Stoordam, Hidroëlektrisiteit
Openingdatum 1971
Eienaar Departement Waterwese
Soort dam Boog-gravitasiedam
Hoogte 88 m
Lengte 914 m
Bakmaat 5 340 600 miljoen m3
Dam op Oranjerivier

Die Gariepdam, vroeër bekend as die Hendrik Verwoerddam, is die grootste dam in Suid-Afrika met 'n oppervlak van meer as 374 vierkante kilometer wanneer vol. Die bakmaat word op 5 340 600 miljoen m3 geskat. Die dam vorm die beginpunt van die Oranjerivierprojek wat die verspreiding van water na die Groot-Visrivier en Sondagsrivier behels.

Naam[wysig]

Gariep is 'n San/Nama woord wat Groot water/Groot rivier beteken. Die Oranjerivier word ook na verwys as die Gij Gariep en daarom Gariepdam.

Afmetings[wysig]

Die damwal is ongeveer 88 meter hoog en 914 meter lank. Die damwal is van beton gebou en bevat ongeveer 1,73 miljoen m³ daarvan. Die damwal se ontwerp is 'n kombinasie van 'n gravitasie- en boogdam. Die dam het ses kruinsluise, drie aan elke kant. By die damwal word hidroëlektrisiteit opgewek deur vier generators, elk met 'n vermoë van 90 MW. Water wat deur die generators gebruik word, vloei verder in die Oranjerivier na die Vanderkloofdam.[1]

Riviere en spruite wat die dam voed[2][wysig]

Dorpie en toerisme[wysig]

Die werkers wat betrokke was by die bou van die Gariepdam is gehuisves in 'n dorpie, net onder die wal, wat bekend was as Oranjekrag. Die dorp heet nou Gariepdam en is 'n vakansie- en aftreedorp. Aan die dam se oewers is verskeie natuurreservate en vakansieoorde, die bekendste is seker die Forever Resorts se Gariep-vakansieoord[3], die Gariep Natuurreservaat en die Oviston Natuurreservaat.

Fotogalery[wysig]

Nota: Afstande per pad gemeet[4]

Verwysings[wysig]