Highgrove House

in Wikipedia, die vrye ensiklopedie
Spring na: navigasie, soek

Highgrove House is die landelike tuiste van prins Charles in Gloucestershire, Engeland. Dit is in 1980 deur die hertogdom van Cornwall gekoop.

Dit is tussen 1796 en 1798 laat bou deur John Paul Paul en het tot in 1860 aan sy nageslag behoort. In 1850 is sy kleindogter daar in ’n brand dood en in 1894 is dit deur nuwe eienaars laat restoureer ná nog ’n brand.

Dit het vier onthaalkamers, nege hoofslaapkamers, ’n kindervleuel en ’n personeelkwartier. Die Prins en Prinses van Wallis het in 1981 in Highgrove ingetrek en dit gebruik as ’n naweekwoning. In 1988 is die eenvoudige buitekant versier met ’n nuwe balustrade, kroonlys en klassieke pilare wat die prins self ontwerp het.

Die prins, ’n ywerige tuinier, het baie tyd bestee aan die beplanning en ontwerp van die tuin. Hy het ’n natuurlike tuin, ’n formele tuin en ’n ommuurde kombuistuin aangelê. Hy het ook baie bome op die terrein laat plant.

Die landgoed word omring deur woude, ’n paar plaasgeboue en sowat 364 ha land waarop die hertogdom van Cornwall boer. In 1985 is organiese boerdery op ’n deel van die landgoed ingestel en sedert 1996 word die hele boerdery organies bedryf.

Eksterne skakels[wysig]


Koninklike wonings in die Verenigde Koninkryk
 Bewoon  Bagshot ParkBalmoral-kasteelBirkhallBuckingham-paleisClarence HouseGatcombe ParkHighgrove HouseHillsborough-kasteelHolyrood-paleisSint James-paleisKensington-paleisLlwynywermodRoyal LodgeSandringham HouseThatched House LodgeWindsor-kasteel
 Histories  Paleis van BeaulieuBeaumont-paleisBrantridge ParkBridewell-paleisCarlton HouseCoombe AbbeyCoppinsCumberland LodgeDunfermline-paleisEdinburg-kasteelEltham-paleisFalkland-paleisFort BelvedereHampton Court-paleisKew-paleisKings LangleyLinlithgow-paleisMarlborough HouseKasteel van MeyNonsuch-paleisOatlands-paleisOsborne HousePaleis van PlacentiaQueen's HouseRibsden HoltRichmond-paleisRoyal PavilionSavoy-paleisStirling-kasteelSunninghill ParkLondense TowerPaleis van WestminsterPaleis van WhitehallWhite LodgeWoodstock-paleis