Londense Tower
Haar Majesteit se Koninklike Paleis en Fort, beter bekend as die Londense Tower, is a historiese monument in Sentraal-Londen, Engeland, aan die noordelike oewer van die Teemsrivier.
Die Tower se hooffunksie was ’n fort, koninklike paleis en tronk (veral vir koninklikes soos die broers Edward V van Engeland en Richard van Shrewsbury, 1ste Hertog van York en koningin Elizabeth I, asook ander mense met hoë status). Dit was ’n plek van marteling en teregstellings, ’n arsenaal, skatkamer, dieretuin, die koninklike munt, ’n sterrewag en, sedert 1303, die tuiste van die kroonjuwele.
Inhoud |
[wysig] Ligging
Die Tower staan aan die oostelike grens van die stad Londen se finansiële distrik, aan die Teemsrivier en naby Tower Bridge.
In die middel van die Londense Tower staan die Normandiese Wit Toring, wat in 1078 deur William die Veroweraar in die suidoostelike hoek van die stadsmure laat bou is.[1] Dit was om die Normandiërs van die mense van die stad Londen te beskerm asook om die stad Londen van invallers te beskerm. Die Wit Toring is 27 m hoog en die mure wissel tussen 4,5 m dik by die basis tot amper 3,3 m aan die bokant. In die 1190's het koning Richard die Leeuhart die Wit Toring laat toebou met ’n versterkte muur wat met ’n grag omring was.[2] Henry III het die buitekant laat witkalk, vandaar die naam.
[wysig] Gevangenes
Koninklike gevangenes van die Tower sluit in:
- Gruffydd ap Llywelyn Fawr (c. 1200 – 1 Maart 1244) ’n Walliese prins, die oudste maar buite-egtelike seun van Llywelyn die Grote ("Llywelyn Fawr"). Hy het hom doodgeval toe hy probeer ontsnap het.
- John Balliol, koning van Skotland – nadat hy deur Edward I gedwing is om afstand te doen van die Skotse troon, is hy van 1296 tot 1299 in die Tower gevange gehou.
- Henry VI van Engeland is in die Tower gevange gehou en op 21 Mei 1471 daar vermoor.
- Edward V van Engeland en sy broer Richard van Shrewsbury, 1ste Hertog van York, ook bekend as "die Prinse in die Tower".
- Margaret van Anjou, vrou van Henry VI.
- Anne Boleyn, koningin van Engeland.
- Die toekomstige Elizabeth I van Engeland, vir twee maande in 1554.
Ander bekendes:
- Guy Fawkes, bekend vir sy rol in die "Gunpowder Plot", is na die Tower gebring om ondervra te word.
- Rudolf Hess, onderleier van die Duitse Nazi-party, in Mei 1941.
[wysig] Verwysings
- Hierdie artikel is merendeels vertaal vanaf die Engelse Wikipedia-artikel [1]
- ^ Adrian Tinniswood, A History of British Architecture: Buildings of the Middle Ages (p.2), 2001-01-01, bbc.co.uk webtuiste: BBC-Arch.
- ^ Peter Hammond (1987) The Tower of London: 5-6
- Bennett, Edward Turner, The Tower Menagerie: Comprising the Natural History of the Animals Contained in that Establishment; with Anecdotes of their Characters and History, Londen, Robert Jennings, 1829.
- ’n DVD-stel van die Channel 4- dokumentêre reeks The Tower is in Junie 2005 uitgereik.
[wysig] Eksterne skakels
- Historiese koninklike paleise
- Gids tot die Tower deur W.J. Loftie, c. 1904, van Project Gutenberg
- Londense Tower Die Tower snags
- Geskiedenis
- Foto-essay
- Kaarte van die Londense Tower c. 1596-1815
- Virtuele toer
| Koninklike wonings in die Verenigde Koninkryk | |
