Bagshot Park

in Wikipedia, die vrye ensiklopedie
Spring na: navigasie, soek
Bagshot Park omstreeks 1880.

Bagshot Park is ’n koninklike woning naby Bagshot, ’n dorp 18 km suidwes van Windsor en 18 km noordoos van Guildford. Dit is tans die tuiste van prins Edward en sy vrou, Sophie, Gravin van Wessex. Dit is net ’n paar kilometer van Sunninghill Park, die voormalige woning van prins Andrew.

Prins Edward het Bagshot Park laat restoureer as ’n tuiste vir homself en ’n basis vir sy rolprentvervaardigingsmaatskappy totdat die maatskappy gesluit is. Daar word op die landgoed geboer.

Die oorspronklike Bagshot Lodge (nie die huidige lodge nie) is tussen 1631 en 1633 laat bou vir koning Karel I. Dit is tussen 1766 en 1772 aangepas vir die destydse Graaf van Albemarle,[1] en in 1798 weer verander vir die Hertog van Clarence (later koning William IV), wat tot in 1816 daar gewoon het.

Verskeie koninklikes het sedertdien daar gewoon. Die oorspronklike huis is in 1877-'78 afgebreek.[2] ’n Nuwe gebou met 120 kamers is in 1879 voltooi. Van 1880 af is dit hoofsaaklik bewoon deur prins Arthur, Hertog van Connaught en Strathearn, ’n seun van koningin Victoria. Hy is in 1942 daar oorlede.

Verwysings[wysig]

  1. Colvin, 1995, "James Paine".
  2. Colvin, 1995, "James Paine", "Sir John Soane"
  • Colvin, Howard. (1995). A Biographical Dictionary of British Architects 1600-1840. 3de uitg. Yale University Press.

Eksterne skakels[wysig]

Koninklike wonings in die Verenigde Koninkryk
 Bewoon  Bagshot ParkBalmoral-kasteelBirkhallBuckingham-paleisClarence HouseGatcombe ParkHighgrove HouseHillsborough-kasteelHolyrood-paleisSint James-paleisKensington-paleisLlwynywermodRoyal LodgeSandringham HouseThatched House LodgeWindsor-kasteel
 Histories  Paleis van BeaulieuBeaumont-paleisBrantridge ParkBridewell-paleisCarlton HouseCoombe AbbeyCoppinsCumberland LodgeDunfermline-paleisEdinburg-kasteelEltham-paleisFalkland-paleisFort BelvedereHampton Court-paleisKew-paleisKings LangleyLinlithgow-paleisMarlborough HouseKasteel van MeyNonsuch-paleisOatlands-paleisOsborne HousePaleis van PlacentiaQueen's HouseRibsden HoltRichmond-paleisRoyal PavilionSavoy-paleisStirling-kasteelSunninghill ParkLondense TowerPaleis van WestminsterPaleis van WhitehallWhite LodgeWoodstock-paleis