Algiese tale

in Wikipedia, die vrye ensiklopedie
Jump to navigation Jump to search
Algiese tale
Algonkin-Ritwaans
Geografiese
verspreiding:
Noord-Amerika
Genetiese
klassifikasie
:
Amerikaans
 Algiese tale
Onderafdelings:
Wiyot †
Yurok
Algonkin
Algic map no borders.svg

Verspreiding van Algiese tale in Noord-Amerika

Die Algiese tale (ook Algonkin-Wiyot-Yurok of Algonkin-Ritwaans)[1][2] behoort aan die inheemse tale van die Amerikas en word in Noord-Amerika gebesig. Die meeste Algiese tale behoort aan die Algonkin-subfamilie wat in 'n wye gebied tussen die Rotsgebergte in die weste tot die Atlantiese Kanada in die ooste gepraat word. Die ander Algiese tale is Yurok en Wiyot in die noordwestelike Kalifornië, wat, ondanks hul geografiese nabyheid, nie nou verwant is nie. Al hierdie tale is afkomstig van Proto-Algies, 'n tweede vlak proto-taal wat volgens ramings sowat 7000 jaar gelede gebesig is en met hulp van die Proto-Algonkin-tale, asook Wiyot en Yurok, gerekonstrueer is.

'n Voorbeeld in Cree, die mees verspreide Algiese taal

Die Algiese tale word bestaan uit die Algonkin-tale en die twee tale Yurok en Wiyot wat in die noordwestelike Kalifornie gebesig word,[3][4] dit is onduidelik of die laasgenoemde twee tale aan 'n moontlike Ritwan-subfamilie behoort of nie. Die Algiese taalfamilie is in 1913 vir die eerste keer deur Edward Sapir voorgestel. Dié voorstel was egter hoogs omstrede, totdat in 1958 bevestig is dat hierdie tale wel geneties verwant is.[5] Die rekonstruksie van 'n moontlike oorspronklike taal was egter onmoontlik.[6]

Verwysings[wysig | wysig bron]

  1. (en) (Julie 1984) “Proto-Algonquian-Ritwan Verbal Roots”. International Journal of American Linguistics 50 (3): 335–342. doi:10.1086/465840.
  2. (en) Golla, Victor (20 September 2011). California Indian languages. Berkeley. p. 61. ISBN 978-0-520-94952-2. OCLC 755008853.
  3. (en) Mithun, M. (1999). The Languages of Native North America. Cambridge University Press, Cambridge.
  4. (en) Campbell, L. und Mixco, M. J. (2007). A Glossary of Historical Linguistics. Edinburgh University Press, Edinburgh.
  5. (en) Haas, M. R. (1958). Algonkian-Ritwan: The End of a Controversy. International Journal of American Linguistics, 24(3):159–173.
  6. (en) Proulx, Paul (1984). Proto-Algic I: Phonological Sketch. International Journal of American Linguistics, 50(2):165–207.

Eksterne skakels[wysig | wysig bron]