Area 51

in Wikipedia, die vrye ensiklopedie
Jump to navigation Jump to search
Homey Airport
Area51 Aerial photograph.jpg
Satellietbeeld van Area 51
IATA: geenICAO: KXTA
Opsomming
Tipe lughawe Militêr
Eienaar/Operateur Regering van die VSA
Ligging Suidelike Nevada, VSA
Hoogte bo seevlak 4 462 vt / 1 360 m

Die Amerikaanse Lugmag se fasiliteit algemeen bekend as Area 51 is 'n afgeleë afdeling van die Edwards Lugmagbasis, in die Nevada Toets- en Opleidingsterrein. Volgens die Sentrale Intelligensie-agentskap (CIA), is die korrekte name vir die fasiliteit "Homey Lughawe" (ICAO: KXTA) en "Groom Lake",[1][2] alhoewel die naam Area 51 wel gebruik is in 'n CIA-dokument tydens die Viëtnam-oorlog.[3] Ander byname wat vir die fasiliteit gebruik word, is "Dreamland", "Paradise Ranch", "Home Base" en "Watertown".[4] Die spesialegebruikslugruim om die veld word na verwys as 'n beperkte gebied 4808 North (R-4808N).[5]

Die basis se huidige primêre doel is in die openbaar onbekend; maar gebaseer op historiese bewyse, ondersteun dit waarskynlik die ontwikkeling en toetsing van eksperimentele vliegtuie en wapenstelsels.[6] Die intense geheimhouding rondom die basis het dit die gereelde onderwerp van samesweringsteorieë en 'n sentrale komponent vir ongeïdentifiseerde vlieënde voorwerpe (UFO's) in die volksmond gemaak.[7] Hoewel die basis nooit as 'n geheime basis verklaar is nie, word alle navorsing en gebeure in Area 51 as hoogsgeheim (Top Secret/Sensitive Compartmented Information (TS/SCI)) geklassifiseer.[7] In Julie 2013, na aanleiding van 'n "Freedom of Information Act"-versoek in 2005 gerig, het die CIA die bestaan van die basis vir die eerste keer in die openbaar bevestig, en dokumente waarin die geskiedenis en doel van Area 51 beskryf word, vrygestel (gedeklassifiseer).[8]

Area 51 is geleë in die suidelike gedeelte van Nevada in die weste van die Verenigde State van Amerika, 134 km (83 myl) noord-noordwes van Las Vegas. Geleë in sy sentrum, op die suidelike oewer van Groom Lake, is 'n groot militêre vliegveld. Die perseel is in 1955 deur die VS Lugmag verkry, hoofsaaklik vir die toets van die Lockheed U-2 spioenasievliegtuie.[8]

Die gebied rondom Area 51, insluitend die klein dorpie Rachel op die gepaste naam "Extraterrestrial Highway", is 'n gewilde toeristebestemming.

Verwysings[wysig | wysig bron]

  1. "Intelligence Officers Bookshelf — Central Intelligence Agency". Cia.gov. Besoek op 11 Junie 2013. 
  2. "Overhead: Groom Lake – Area 51". Federation of American Scientists. Besoek op 11 Junie 2013. 
  3. Richard Helms (15 Mei 1967). ""OXCART reconnaissance of North Vietnam", Memo to the Deputy Secretary of Defense from the office of CIA Director Richard Helms, 15 May 1967". CIA. Geargiveer vanaf die oorspronklike op 15 Oktober 2012.  (die volle gedeklassifiseerde dokument is op Commons:File:Cia oxcart vietnam memo.pdf)
  4. Rich, Ben R (1994). Skunk Works: A personal memoir of my years at Lockheed. Boston: Little, Brown. p. 56. ISBN 978-0-316-74300-6. “Kelly Johnson (the U2's designer) had jokingly nicknamed this Godforsaken place Paradise Ranch, hoping to lure young and innocent flight crews.” 
  5. "Flight Planning / Aeronautical Charts". SkyVector. Besoek op 11 Junie 2013. 
  6. Rich, Ben R (1994). Skunk Works: A personal memoir of my years at Lockheed. Boston: Little, Brown. p. 57. ISBN 978-0-316-74300-6. “... a sprawling facility, bigger than some municipal airports, a test range for sensitive aviation projects.” 
  7. 7,0 7,1 Jacobsen, Annie (2012). Area 51: An Uncensored History of America's Top Secret Military Base. Back Bay Books. ISBN 0-316-20230-4. 
  8. 8,0 8,1 "Area 51 'declassified' in U-2 spy plane history". BBC News. BBC. 16 Augustus 2013. Besoek op 25 September 2014. 
Hierdie artikel is in sy geheel of gedeeltelik vanuit die Engelse Wikipedia vertaal.

Koördinate: 37°15′0″N 115°48′0″W / 37.25000°N 115.80000°W / 37.25000; -115.80000